Chiranjeevi 50 Years : మెగాస్టార్ చిరంజీవి కెరీర్లో మరో అరుదైన మైలురాయి అందుకున్నారు. నట ప్రస్థానంలో ఆయన శనివారంతో 50ఏళ్లు పూర్తి చేసుకున్నారు. ఈ నేపథ్యంలో చిరంజీవి తన నట ప్రస్థానాన్ని గుర్తుచేసుకున్నారు. ఆయన డిగ్రీ చదువుతున్న రోజుల్లో 'రంగస్థలం' మీద వేసిన తొలి నాటకానికి సంబంధించిన ఫొటో ఒకటి షేర్ చేశారు.
'రాజీనామా' Y N M College నర్సాపూర్లో 'రంగస్థలం' మీద తొలి నాటకం. కోన గోవింద రావు గారి రచన; నటుడిగా తొలి గుర్తింపు. అది ఉత్తమ నటుడు కావడం, ఎనలేని ప్రోత్సాహం. 1974 - 2024 ; 50 సంవత్సరాల నట ప్రస్థానం, ఎనలేని ఆనందం! ' అంటూ పోస్ట్కు క్యాప్షన్ రాసుకొచ్చారు.
90'ల్లో నుంచే బ్లాస్బస్టర్ సినిమాల్లో నటించి తనకంటూ ప్రత్యేక గుర్తింపు తెచ్చుకున్న చిరంజీవి తెలుగు సినిమాపై ముద్ర వేశారు. ఆయన సినీ కెరీర్లో ఇప్పటివరకు 150+ చిత్రాల్లో నటించి అనేక అవార్డులు దక్కించుకున్నారు. 60ఏళ్ల వయసులోనూ యంగ్ హీరోలతో హుషారుగా స్టెప్పులేస్తూ, బాక్సాఫీస్ వద్ద తన ఆధిపత్యం కొనసాగిస్తున్నారు.
‘రాజీనామా' .. Y N M College Narsapur లో 'రంగస్థలం' మీద తొలి నాటకం .. కోన గోవింద రావు గారి రచన; నటుడిగా తొలి గుర్తింపు .. అది Best Actor కావటం .. ఎనలేని ప్రోత్సాహం .. 1974 -2024 ; 50 సంవత్సరాల నట ప్రస్థానం .. ఎనలేని ఆనందం ! 🙏 pic.twitter.com/CfobnApui8
— Chiranjeevi Konidela (@KChiruTweets) October 26, 2024
ప్రస్తుతం చిరు 'విశ్వంభర' సినిమాతో బిజీగా ఉన్నారు. 'బింబిసార' ఫేమ్ డైరెక్టర్ వశిష్ఠ ఈ సినిమాకు దర్శకత్వం వహిస్తున్నారు. సోషియో ఫాంటసీ బ్యాక్డ్రాప్తో ఇది తెరకెక్కుతోంది. అత్యంత భారీ బడ్జెట్తో యువీ క్రియేషన్స్ ఈ చిత్రాన్ని నిర్మిస్తోంది. దాదాపు రూ.200 కోట్ల భారీ బ్జడెట్‌తో నిర్మిస్తున్నారు. రీసెంట్గా దసరా సందర్భంగా ఓ వీడియో గ్లింప్స్ కూడా రిలీజ్ చేశారు. ఇక ఇప్పటికే సినిమాలో రెండు సాంగ్స్ షూటింగ్ మినహా చిత్రీకరణ అంతా పూర్తి అయినట్లు తెలుస్తోంది. 2025 సంక్రాంతికి రిలీజ్ చేయాలని మొదట భావించారు. కానీ, వీఎఫ్ఎక్స్, గ్రాఫిక్స్కు సంబంధించి పనుల ఆలస్యం వల్ల సంక్రాంతికి రిలీజ్ అయ్యే ఛాన్స్లు లేవు!
కాగా, ఈ సినిమాలో చిరుకు జోడిగా త్రిష, ఆషిక రంగనాథ్ నటిస్తున్నారు. మరో ముగ్గురు హీరోయిన్లు ఇతర కీలక పాత్రల్లో నటిస్తున్నారు. ఆస్కార్ అవార్డ్ గ్రహీత ఎంఎం కీరవాణి సంగీతం అందిస్తున్నారు. ఎన్నో అంచనాలు రానున్న ఈ సినిమా కోసం మెగా ఫ్యాన్స్ ఎప్పుడు నుంచో ఆసక్తిగా ఎదురు చూస్తున్నారు.
'విశ్వంభర' వాయిదాకు కారణం అదే- గేమ్ఛేంజర్ కాదట!
దసరా ట్రీట్ - అంతకుమించి అనేలా 'విశ్వంభర' విజువల్ వండర్ టీజర్
