థియేటర్లలో ఎక్కువ రోజులు ఆడిన తెలుగు సినిమాలు ఇవే? - బాలకృష్ణనే టాప్​! - Longest Movie Run In Theatres

Longest Movie Run In Theatres Tollywood : టాలీవుడ్​లో థియేర్లలో ఎక్కువ రోజులు ఆడిన టాప్ 10 సినిమాల గురించే ఈ కథనం. ఈ టాప్ 10లో రెండు బాలయ్య సినిమాలే ఉండటం విశేషం!

Longest Movie Run In Theatres Tollywood : ప్రస్తుతం థియేటర్లలో ఏ సినిమా రిలీజైన వారం రోజులు లేదంటే గట్టిగా పది రోజులు ఆడుతుంది. కోట్లు వసూలు చేసి వెళ్లిపోతుంది. అదే ఫ్లాప్ అయితే రెండు మూడు రోజులు కూడా ఆడటం కష్టమే. అయితే ఒకప్పుడు సినిమాలు ఏకంగా వంద రోజులు లేదా అంతకన్నా ఎక్కువ రోజులు ఆడేవి. వంద రోజులు, రెండు వందల రోజుల వేడుకలు కూడా ఘనంగా జరిపేవారు. ఏ సినిమా ఎక్కువ రోజులు ఆడితే ఆ హీరో గెలిచినట్టే! ఇంకా చెప్పాలంటే వెయ్యి రోజులు కూడా ఆడిన సందర్భాలు ఉన్నాయి. మరి తెలుగులో లాంగ్ రన్ టైమ్​ థియేటర్లలో ఆడిన టాప్ సినిమాలు ఏంటో ఓ సారి లుక్కేద్దాం.

లెజెండ్ 1000 రోజులకుపైనే - .నందమూరి నటసింహం బాలకృష్ణ నటించిన లెజెండ్ సినిమా కర్నూలోని ఓ థియేటర్​లో ఏకంగా 1000 రోజులకుపైగా ఆడింది. 2014లో బోయపాటి దర్శకత్వంలో విడుదలైన ఈ చిత్రం బాలయ్య కెరీర్​నే మార్చేసింది. బాక్సాఫీస్ వద్ద వసూళ్ల మోత మోగించింది. ఇందులో బాలయ్య ద్విపాత్రాభినయంలో కనిపించి తన నట విశ్వరూపంతో థియేటర్​ను షేక్ చేసేశారు. ఈ చిత్రం 1000వ రోజు పోస్టర్​ను కూడా ప్రత్యేకంగా విడుదల చేశారు మేకర్స్​.

• " class="align-text-top noRightClick twitterSection" data="">

మగధీర ​ - మెగాపవర్ స్టార్ రామ్​చరణ్​ను స్టార్ హీరో చేసిన సినిమా ఇది. 2009లో రాజమౌళి దర్శకత్వంలో వచ్చిన ఈ చిత్రం ఇండస్ట్రీ హిట్​గా నిలిచింది. బాక్సాఫీస్ దగ్గర సరికొత్త రికార్డులను క్రియేట్ చేసింది. ఈ చిత్రంలోని కర్నూలులోని ఓ థియేటర్లో 1000 రోజులు ఆడి అదరగొట్టింది. ఈ చిత్రంలో హీరోయిన్​గా కాజల్ అగర్వాల్ నటించగా శ్రీహరి షేర్ ఖాన్ పాత్రలో నటించి ఆకట్టుకున్నారు.

పోకిరి​ - సూపర్ స్టార్ మహేశ్ బాబు కెరీర్​లో టాప్ మూవీ అనగానే టక్కున చాలా మందికి గుర్తొచ్చేది పోకిరినే. మహేశ్ కెరీర్​ను మలుపు తిప్పింది. 2006లో పూరి జగన్నాథ్ దర్శకత్వంలో వచ్చిన ఈ చిత్రం ఓ థియేటర్లో 580 రోజుల పాటు ప్రదర్శన అయింది. ఇలియానా హీరోయిన్​గా నటించగా ప్రకాశ్ రాజ్, నాజర్, సాయాజీ షిండే ఇతర కీలక పాత్రల్లో నటించారు.

• " class="align-text-top noRightClick twitterSection" data="">

మంగమ్మగారి మనవడు​ - నందమూరి బాలకృష్ణ నటించిన ఈ చిత్రం కూడా భారీ హిట్​ను అందుకుంది. కోడి రామకృష్ణ దీన్ని తెరకెక్కించారు. ఈ చిత్రం హైదరాబాద్​లోని తారకరామ థియేటర్లలో ఏకంగా 565 రోజులు ఆడిందట.

మరో చరిత్ర - యూనివర్సల్ స్టార్ కమల్ హాసన్ నటించిన మరో చరిత్ర సినిమా గురించి ప్రత్యేకంగా చెప్పనక్కర్లేదు. అప్పట్లో చరిత్ర సృష్టించింది. ఇది 556 రోజుల పాటు ఆడిందట.

ప్రేమాభిషేకం - అక్కినేని నాగేశ్వర రావు నటించిన ఈ చిత్రం ఎవర్​గ్రీన్​. ఇప్పటికీ ఎంతో మంది ఇష్టంగా చూస్తుంటారు. ఈ సినిమా ఆ రోజుల్లోనే ఓ థియేటర్​లో 533 రోజుల పాటు సెన్సేషన్ క్రియేట్ చేసింది. పలు థియేటర్లలో 300 రోజులు కూడా ఆడిందట.

లవ కుశ - నందమూరి తారక రామారావు ప్రధాన పాత్రలో నటించిన చిత్రం లవకుశ. దర్శకులు సి. పుల్లయ్య, సి.ఎస్‌. రావు రూపొందించిన సినిమా ఇది. 3: 28 గం. రన్‌టైమ్‌తో 1963లో ప్రేక్షకుల ముందుకొచ్చిన ఈ మైథలాజికల్‌ ఫిల్మ్‌ అప్పట్లోనే 469 రోజులు నడిచింది.

ప్రేమ సాగరం - తమిళ స్టార్ హీరో శింబు తండ్రి టీ రాజేంద్ర దర్శకత్వం వహించిన చిత్రాల్లో ప్రేమ సాగరం ఒకటి. ఈ సినిమా అప్పట్లో ఓ సంచలనం సృష్టించింది. ఈ చిత్రం ఓ థియేటర్లో ఏకంగా 465 రోజుల పాటు ప్రదర్శన అయింది..