KA Movie Collections : టాలీవుడ్ యంగ్ హీరో కిరణ్ అబ్బవరం లీడ్ రోల్లో నటించిన లేటెస్ట్ సినిమా 'క'. యువ డైరెక్టర్లు సుజీత్‌ - సందీప్‌ సంయుక్తంగా ఈ సినిమాను తెరకెక్కించారు. యంగ్ బ్యూటీ నయన్ సారిక హీరోయిన్గా నటించింది. 2024 దీపావళి బరిలో నిలిచిన ఈ మూవీ భారీ విజయం అందుకుంది. రోజు రోజుకీ వసూళ్లు పెరుగుతున్నాయి. వీకెండ్లో దాదాపు 80శాతం ఆక్యుపెన్సీతో రన్ అయ్యింది. దీంతో బాక్సాఫీస్ వద్ద మంచి వసూళ్లతో దూసుకెళ్తోంది.
డే 1 నుంచే సినిమాకు సూపర్ హిట్ టాక్ రావడం వల్ల నాలుగు రోజులుగా బాక్సాఫీస్ వద్ద నిలకడగా వసూళ్లు సాధిస్తోంది. ఇక నాలుగో రోజు కూడా ఈ చిత్రం భారీ స్థాయిలోనే కలెక్షన్లు రాబట్టింది. వీకెండ్ కావడం వల్ల హైదరాబాద్లో దాదాపు అన్ని థియేటర్లలో హౌస్ఫుల్ బోర్డులు దర్శనమిచ్చాయి. ఈ సినిమా ఆదివారం రూ.3.75 కోట్లు నెట్ వసూల్ చేసినట్లు ట్రేడ్ వర్గాల సమాచారం. అంటే డే 1నుంచి నాలుగో రోజే ఈ సినిమా అత్యధికంగా వసూల్ చేసింది. ఇప్పటివరకూ 'క' చిత్రం నాలుగు రోజుల్లో రూ.14.15 కోట్ల నెట్ కలెక్షన్లు సాధించినట్లు అంచనా. దీంతో బ్రేక్ ఈవెన్ పూర్తైనట్లు తెలుస్తోంది.
'క' మూవీ నెట్ వసూళ్లు (భారత్లో)
- తొలి రోజు - రూ.3.5 కోట్లు
- రెండో రోజు- రూ. 3 కోట్లు
- మూడో రోజు- రూ. 3.6 కోట్లు
- నాలుగో రోజు- రూ. 3.75 కోట్లు
డిఫరెంట్ కాన్సెప్ట్
'క' మూవీ కొత్త కాన్సెప్ట్తో తెరకెక్కింది. శ్రీ చక్రాస్ ఎంటర్టైన్‌మెంట్స్‌ బ్యానర్పై కృష్ణారెడ్డి నిర్మించారు. సినిమా అంతా ఒకెత్తైతే, ఇంటర్వెల్, క్లైమాక్స్ సీన్స్ మరొకెత్తుగా నిలిచాయని ప్రేక్షకులు చెబుతున్నారు. ఈ రెండూ ప్రేక్షకుల బుర్ర తిరిగిపోయేలా చేస్తాయని కొనియాడుతున్నారు. ఓ కొత్త అనుభూతిని అందించాయని అంటున్నారు. ముఖ్యంగా మనిషి పుట్టుక, కర్మ ఫలం, రుణానుబంధం - ఈ మూడు అంశాల్ని ముడిపెట్టిన దర్శకుడు, చివరికి చెప్పిన సందేశం, కథను ముగించిన తీరు చాలా బాగుందని అభిప్రాయపడుతున్నారు. సినిమాలో మధ్యలో వచ్చే కోర్టు యాక్షన్ సీక్వెన్స్, జాతర పాట, క్లైమాక్స్ ఫైట్ మాస్ ప్రేక్షకులను బాగా అలరించాయి.
'ఆమె కష్టం గురించి చెప్పాలనుకున్నా- నా ఎమోషనల్ స్పీచ్కు రీజన్ అదే'
