Kamal Hassan 233 Update : తమిళం, తెలుగు సహా వివిధ భాషల్లో నటించిన అగ్ర హీరోల్లో నటుడు కమల్ హాసన్ ఒకరు. త్వరలో ఈయన నటించనున్న 'కమల్ 233'(KH 233) ప్రాజెక్ట్కు సంబంధించి నిర్మాణ సంస్థ చేసిన ఓ ట్వీట్ ప్రస్తుతం నెట్టింట తెగ వైరల్ అవుతోంది. దీని ప్రకారం కమల్ ఈ ప్రాజెక్ట్ చేయట్లేదనే విషయం స్పష్టంగా అర్థమవుతోంది. ఈ ట్వీట్లో 'థగ్‌ లైఫ్‌', 'కమల్ 237', 'శివకార్తికేయన్‌ 21', 'శింబు 48' త్వరలో తమ బ్యానర్‌ నుంచి విడుదల కానున్నట్లు కమల్ హాసన్కు చెందిన నిర్మాణసంస్థ రాజ్‌ కమల్ ఫిల్మ్స్‌ ఇంటర్నేషనల్‌ బ్యానర్‌ రాసుకొచ్చింది. అయితే ఈ లిస్ట్లో కమల్ నటించనున్న 'కమల్ 233' ప్రాజెక్ట్ గురించి మాత్రం ఎక్కడా ప్రస్తావన లేదు. దీంతో ఈ సినిమాను కమల్ చేయడం లేదంటూ ఊహాగానాలు మొదలయ్యాయి. ఇక ఈ గాసిప్స్పై కమల్ నుంచి నేరుగా కానీ, దర్శకుడు వినోద్ నుంచి కానీ ఇప్పటివరకూ ఎలాంటి వివరణ రాలేదు.
- " class="align-text-top noRightClick twitterSection" data="">
కమల్ కోసం పవర్ఫుల్ క్యారెక్టర్ : 'నేర్కొండ పార్వై', 'వలిమై', 'తునివు' చిత్రాలతో వరుస విజయాలు అందుకున్న కోలీవుడ్‌ దర్శకుడు హెచ్‌. వినోద్. ఈయన రాజ్‌ కమల్ ఫిల్మ్స్‌ ఇంటర్నేషనల్‌ బ్యానర్‌పై కమల్ హాసన్తో కలిసి ఓ ప్రాజెక్ట్ చేయనున్నట్లు గతేడాది ప్రకటించారు. #KH233 వర్కింగ్‌ టైటిల్‌తో ఈ సినిమాను ప్రారంభించినట్లు తెలిపారు. దీనికి సంబంధించి 'రైజ్‌ టు రూల్‌' పేరుతో ఓ వీడియోను కూడా విడుదల చేశారు. ఈ వీడియో ఎంతో ఆసక్తిని రేకెత్తించేలా ఉంది. ఇక కమల్‌కు ఉన్న క్రేజ్ను దృష్టిలో ఉంచుకుని వినోద్ ఓ పవర్ఫుల్ పాత్రను రెడీ చేసినట్లు అప్పట్లో వార్తలు కూడా వచ్చాయి. ఈ క్రమంలో ఉన్నట్టుండి ఈ ప్రాజెక్ట్ ఆగిపోయిందంటూ ఇటీవల జోరుగా ప్రచారం సాగింది. ఈ ప్రచారానికి బలాన్ని చేకూర్చేలా బుధవారం చిత్ర నిర్మాణ సంస్థ ఎక్స్లో తమ బ్యానర్‌లో రానున్న చిత్రాల జాబితాను విడుదల చేసింది.
చిత్రీకరణ దశలో రెండు సినిమాలు : ఇకపోతే కమల్ హాసన్ ప్రస్తుతం ప్రభాస్ 'కల్కి'తో పాటు దర్శకుడు మణిరత్నంతోనూ చెరో సినిమా చేస్తున్నారు. ఈ రెండు చిత్రాలు చిత్రీకరణ దశలో ఉన్నాయి. ప్రభాస్ సినిమాను వైజయంతీ మూవీస్ నిర్మిస్తుండగా - మణిరత్నం సినిమాను రాజ్‌ కమల్ ఫిల్మ్‌ ఇంటర్నేషనల్‌, మద్రాస్‌ టాకీస్‌ సంయుక్తంగా నిర్మిస్తున్నాయి. ఇక కమల్ నటించిన ఇండియన్ 2 సినిమా రిలీజ్కు రెడీగా ఉంది.
