'కల్కి' ప్రమోషన్స్- 'మథుర'లో శోభన స్పెషల్ పెర్ఫార్మెన్స్ చూశారా? - Kalki 2898 AD

Kalki 2898 AD Mathura: ప్రభాస్- నాగ్ అశ్విన్ కాంబోలో తెరకెక్కిన 'కల్కి' మరో మూడు రోజుల్లో ప్రేక్షకుల ముందుకు రానుంది. ఈ క్రమంలో మూవీటీమ్ ప్రమోషన్స్​ జోరు పెంచింది. తాజాగా 'థీమ్ ఆఫ్ కల్కి' పేరుతో కొత్త వీడియో రిలీజ్ చేసింది. మీరు ఆ వీడియో చూశారా?

Kalki 2898 AD Mathura: రెబల్ స్టార్ ప్రభాస్ భారీ బడ్జెట్ చిత్రం 'కల్కి AD 2898' విడుదల దగ్గరపడుతోంది. దీంతో మూవీటీమ్ ప్రమోషన్స్​లో బిజీగా ఉంది. మేకర్స్​ సినిమాను దేశవ్యాప్తంగా ప్రమోట్ చేస్తున్నారు. ఈ నేపథ్యంలో సినిమా కోసం ప్రత్యేకంగా రూపొందించిన బుజ్జి (కారు)ని దేశంలో పలు ప్రధాన నగరాల్లో తిప్పి ప్రేక్షకుల దృష్టిని ఆకర్షించారు. ఇక తాజాగా మూవీటీమ్ ఉత్తర్​ప్రదేశ్ మథురలో సందడి చేసింది.

శ్రీకృష్ణ జన్మస్థానం 'మథుర'లో నటి శోభన, పలువురు నృత్యకారిణులు నది ఒడ్డున సాంస్కృతిక నృత్య ప్రదర్శన చేశారు. నటీమణులు నృత్యంతో స్థానికంగా అందర్నీ ఆకట్టుకున్నారు. ఈ వీడియోను మూవీటీమ్ 'థీమ్ ఆఫ్ కల్కి' పేరుతో సోమవారం రిలీజ్ చేసింది. ఆధ్యాత్మిక ప్రదేశంలో సినిమాను ఇంత సంప్రదాయ రీతిలో ప్రమోట్ చేయడం బాగుంది అంటూ పలువురు నెటిజన్లు సోషల్ మీడియాలో కామెంట్ చేస్తున్నారు. మరి ఈ వీడియోను మీరు చూశారా?

Glimpses from the unveiling of #ThemeOfKalki at Lord Krishna’s birthplace, Mathura 📸✨

- https://t.co/dGJ3oHf0rb

Full Song will be out soon. #Kalki2898AD @SrBachchan @ikamalhaasan #Prabhas @deepikapadukone @nagashwin7 @DishPatani #Shobana @Music_Santhosh @VyjayanthiFilms… pic.twitter.com/KlDSxiV4Ip

— Kalki 2898 AD (@Kalki2898AD) June 24, 2024

బుకింగ్స్​ స్టార్ట్: ఈ సినిమా వరల్డ్​వైడ్​ గ్రాండ్​గా జూన్ 27న రిలీజ్ కానుంది. విడుదల రోజు ఉదయాన్నే 5.30 గంటలకు ప్రీమియర్ షోలు పడనున్నాయి. ఈ క్రమంలో ఆదివారం నుంచే బుకింగ్స్ ఓపెన్ అయ్యాయి. దీంతో భారీ స్థాయిలో టికెట్లు అమ్ముడవుతున్నాయి. క్షణాల్లోనే టికెట్లు సోల్డ్ ఔట్ అవుతున్నాయి.

కాగా, దర్శకుడు నాగ్​అశ్విన్ ఈ సినిమాను మైథలాజికల్ సైన్స్​ ఫిక్షన్ జానర్​లో హై విజువల్స్ అండ్ విఎఫ్ఎక్స్​ ఎఫెక్స్​తో తెరకెక్కించారు. ఇప్పటికే విడుదలైన రెండు ట్రైలర్​లకు కూడా ప్రేక్షకుల నుంచి మంచి రెస్పాన్స్ వచ్చింది. ఇక ఈ చిత్రంలో హీరో ప్రభాస్ భైరవ్​గా కనిపించనున్నారు. బాలీవుడ్ బిగ్ బి అమితాబ్‌ బచ్చన్ అశ్వత్థామ పాత్రలో కనిపించనున్నారు. సీనియర్‌ హీరో కమల్‌ హాసన్‌ గెస్ట్ రోల్​లో పోషిస్తున్నారు. బాలీవుడ్ బ్యూటీ దీపికా పదుకొణెతోపాటు మరో స్టార్ హీరోయిన్ దిశా పటానీ కీలక పాత్రలో నటిస్తోంది. వైజయంతి మూవీస్ బ్యానర్​పై ప్రముఖ నిర్మాత అశ్వనీదత్ 'కల్కి'ని నిర్మించారు. సంతోష్ నారాయణ్ సినిమాకు సంగీతం అందించారు. ఇక ఈ సినిమా జూన్ 27న వరల్డ్​వైడ్​ గ్రాండ్​గా రిలీజ్ కానుంది.