Kalki 2898 AD Deepika Padukone: రెబల్ స్టార్ ప్రభాస్- నాగ్ అశ్విన్ కాంబోలో తెరకెక్కిన 'కల్కి 2898 AD' సినిమా రిలీజ్కు కౌంట్డౌన్ దగ్గరపడుతోంది. సైన్స్ ఫిక్షన్ జానర్తో ప్రేక్షకులను కొత్త ప్రపంచంలోకి తీసుకెళ్తునన్న నాగ్ అశ్విన్, ప్రమోషన్స్ కూడా అంతే గ్రాండ్గా చేస్తున్నారు. ఈ క్రమంలో సోమవారం (జూన్ 10) సినిమా నుంచి ట్రైలర్ రీలీజ్ చేయనున్నారు. అయితే అంతకంటే ముందే ఆదివారం అభిమానులకు ఈ చిత్ర నిర్మాణ సంస్థ ఓ స్వీట్ సర్ప్రైజ్ ఇచ్చి ఆకట్టుకుంది.
ఈ మూవీలో కీలక పాత్ర పోషిస్తున్న బాలీవుడ్ బ్యూటీ దీపికా పదుకొణె న్యూ లుక్ను ఓ స్పెషల్ పోస్టర్ ద్వారా రిలీజ్ చేసింది. 'ఆశ ఆమెతో మొదలవుతుంది' అంటూ సాలిడ్ క్యాఫ్షన్ను కూడా రాసుకొచ్చింది. ప్రస్తుతం ఈ పోస్టర్ నెట్టింట తెగ ట్రెండ్ అవుతోంది. ఈ క్యాప్షన్ అర్థం ఏంటి? నాగ్ అశ్విన్ ప్లాన్ ఏంటి? రేపు రిలీజ్ అయ్యే ట్రైలర్కు ఈ పోస్టర్కు ఏదైనా సంబంధం ఉందా అని నెటిజన్లు ఆత్రుతగా ఎదురుచూస్తున్నారు.
ఇక ఈ సినిమా జూన్ 27న వరల్డ్వైడ్గా గ్రాండ్ రిలీజ్ కానుంది. దీంతో ఓవర్సీస్లో ఇప్పటికే అడ్వాన్స్ బుకింగ్స్ ప్రారంభం అయ్యాయి. ప్రభాస్ క్రేజ్తో ఓవర్సీస్ బుకింగ్స్ జోరందుకున్నాయి. టికెట్లు హాట్ కేకుల్లా అమ్ముడవుతున్నాయి. విదేశాల్లో ఈ చిత్రాన్ని దాదాపు 124 లోకేషన్లలో రిలీజ్ చేస్తున్నారు. ఇప్పటి వరకు 116 థియేటర్లలో అడ్వాన్స్ బుకింగ్స్ ఓపెన్‌ చేస్తే ఒక్కరోజులోనే 4933 టికెట్స్‌ అమ్ముడయ్యాయి. దీంతో త్వరలోనే థియేటర్ల సంఖ్య కూడా మరింత పెంచనున్నట్లు సమాచారం అందుతోంది.
కాగా, ఈ చిత్రంలో హీరో ప్రభాస్ భైరవ్గా కనిపించనున్నారు. సినిమా కోసం స్పెషల్గా డిజైన్ చేసిన బుజ్జి (కారు)ను ప్రేక్షకులకు పరిచయం చేశారు. ఈ స్పెషల్ కారుకు ప్రేక్షకుల నుంచి పాజిటివ్ రెస్పాన్స్ వస్తోంది. చెన్నై సహా పెద్ద పెద్ద నగరాల్లో కారును తిప్పుతున్నారు. ఇక దీపికా పదుకొణెతోపాటు మరో స్టార్ హీరోయిన్ దిశా పటానీ కీలక పాత్రలో నటిస్తోంది. బాలీవుడ్ బిగ్ బి అమితాబ్‌ బచ్చన్ అశ్వత్థామ పాత్రలో కనిపించనున్నారు. సీనియర్‌ హీరో కమల్‌ హాసన్‌ గెస్ట్ రోల్లో పోషిస్తున్నారు.
