Jr NTR On Devara Pre Release : గ్లోబల్ స్టార్ ఎన్టీఆర్ లీడ్ రోల్లో నటించిన 'దేవర పార్ట్ 1' సినిమా ప్రీ రిలీజ్ ఈవెంట్ అనూహ్యంగా రద్దైంది. హైదరాబాద్ నోవాటెల్లో ఆదివారం సాయంత్రం ఈ ఈవెంట్ జరగాల్సి ఉండగా, అంచనాకు మించి అభిమానులు రావడం వల్ల నిర్వాహకులు కార్యక్రమాన్ని రద్దు చేశారు. దీంతో తీవ్ర నిరుత్సాహంతో అభిమానులు వెనుదిరిగారు. అయితే దీనిపై హీరో ఎన్టీఆర్ స్పందించారు. సోషల్ మీడియా ద్వారా ఫ్యాన్స్ను ఉద్దేశించి ఓ వీడియో రిలీజ్ చేశారు.
'అభిమాన సోదరులకు నమస్కారం. ఈరోజు దేవర ప్రీ రిలీజ్ ఈవెంట్ క్యాన్సిల్ అవ్వడం బాధాకరం. ముఖ్యంగా నాకు ఎక్కువ బాధగా ఉంది. అవకాశం దొరికినప్పుడల్లా మీతో (ఫ్యాన్స్) సమయం గడపాలని ఉంటుంది. దేవర సినిమా గురించి, ఈ చిత్రం కోసం పడ్డ కష్టం గురించి అందరికీ వివరిద్దామని అనుకున్నా. కానీ, భద్రతా కారణాల వల్ల ఈవెంట్ క్యాన్సిల్ అయ్యింది. మళ్లీ చెప్తున్నా మీకంటే నాకు ఎక్కవ బాధగా ఉంది. మేకర్స్, ఈవెంట్ ఆర్గనైజర్స్ వైఫల్యం వల్లే ఇలా జరగిందనడం తప్పు అనేది నా అభిప్రాయం. మీ ప్రేమకు ఎప్పటికీ రుణపడి ఉంటా. ఇవాళ కలవడం కుదరకపోయినా, సెప్టెంబర్ 27న మనమందరం కలుస్తున్నాం. దేవర చిత్రాన్ని అందరూ చూడబోతున్నారు. మీరు కాలర్ ఎగరేసుకునేలా ఈ సినిమా ఉంటుంది. సినిమా కోసం శివ చాలా కష్టపడ్డారు. మీ ప్రేమ, ఆశీర్వాదం మాకు ఉండాలి. అందరూ జాగ్రత్తగా వెళ్లారని ఆశీస్తున్నా' అని ఎన్టీఆర్ వీడియోలో పేర్కొన్నారు.
We regret being in this situation but are forever grateful to our beloved Man of Masses NTR’s fans. 🙏🏻🙏🏻
— Devara (@DevaraMovie) September 22, 2024
The biggest celebration awaits. See you in theatres on Sept 27th.#Devara #DevaraOnSep27th pic.twitter.com/oSXa2ga6Za
కాగా, కొరటాల శివ ఈ సినిమాను రెండు పార్ట్లుగా తెరకెక్కించారు. అందులో భాగంగా సెప్టెంబర్ 27న గ్రాండ్గా థియేటర్లలో రానుంది. ఈ సినిమాలో జాన్వీ కపూర్ హీరోయిన్గా నటించింది. బాలీవుడ్ సీనియర్ నటుడు సైఫ్ అలీ ఖాన్ విలన్ పాత్రలో నటించారు. సీనియర్ నటులు శ్రీకాంత్, శ్రుతి మారాఠే, చైత్ర రాయ్, షైన్ టామ్, మురళీ శర్మ, ప్రకాశ్ రాజ్, రమ్యకృష్ణ తదితరులు నటించారు. అనిరుధ్ రవిచంద్రన్ సంగీంతం అందించగా, రత్నవేలు డీఓపీ బాధ్యతలు చూశారు. ఎన్టీఆర్, యువసుధ బ్యానర్లపై ఈ సినిమా రూపొందింది.
భయమంటే ఏంటో తెలియాలంటే 'దేవర' కథ వినాలి! - ఇంట్రెస్టింగ్గా రిలీజ్ ట్రైలర్! - Devara Release Trailer
