Joker : Folie a Deux New Poster : హాలీవుడ్ యాక్ష‌న్ ఎంట‌ర్‌టైన‌ర్ 'జోకర్' సినిమా గురించి చాలా మంది సినీ ప్రియులకు తెలిసే ఉంటుంది. 2019లో విడుదలైన ఈ చిత్రం అప్పుడు సెన్సేషన్ క్రియేట్ చేసింది. సినీ ప్రియుల్ని ఎంతగానో మెప్పించింది. ముఖ్యంగా సినిమాలో జోకర్‌గా నటించిన ఫినిక్స్ తన నటనతో సినీ ప్రేక్షకులను ఫిదా చేశాడు.
అయితే ఇప్పుడీ సినిమాకు సీక్వెల్ కూడా రాబోతుంది. జోకర్: ఫోలి అ దు పేరుతో సైకాలజికల్ థ్రిల్లర్గా ఇది రానుంది. టాడ్‌ ఫిలిప్స్ ఈ సినిమాకు ద‌ర్శ‌క‌త్వం వ‌హిస్తున్నారు. ఇప్ప‌టికే షూటింగ్ కూడా పూర్తి చేసుకున్న ఈ చిత్రం నుంచి విడుదలైన టీజర్, ట్రైలర్లు కూడా ఆకట్టుకున్నాయి. ఇప్పుడు తాజాగా మరో కొత్త పోస్టర్ను మూవీ టీమ్ విడుదల చేసింది. 'ఈ ప్రపంచం ఓ వేదిక' అంటూ రాసుకొచ్చింది. ప్రస్తుతం ఈ పోస్టర్ నెట్టింట్లో తెగ వైరల్ అవుతోంది.
ముఖంపై రక్తంతో - ఈ సినిమాలో అథుర్‌ ఫ్లెక్‌ అలియాస్‌ జోకర్ పాత్రలో జోక్విన్‌ ఫినిక్స్, హార్లే క్విన్‌ పాత్రలో ప్రముఖ హాలీవుడ్ కథానాయిక, పాప్‌ సింగర్‌ లేడీ గాగా నటించారు. వీరిద్దరు తాజాగా విడుదలైన కొత్త పోస్టర్లో ముఖంపై రక్తంతో, కలిసి డ్యాన్స్‌ చేస్తున్నట్లుగా కనిపించారు. ఈ పోస్టర్ సినిమాపై మరింత అంచనాల్ని పెంచుతోంది.
అంతకుముందు విడుదల చేసిన టీజర్, ట్రైలర్లో "సంగీతం వల్ల మాత్రమే జీవితాలు పూర్తవుతాయి. దాని వల్లే మా గాయాలు మాయమవుతాయి. నేను ఇప్పుడు ఒంటరి వాడిని కాదు" అంటూ సాగిన సంభాషణలు బాగా ఆకట్టుకున్నాయి.
మొదటి భాగాన్ని మించేలా - కాగా, జెర్రీ రాబిన్సన్‌, బిన్‌ ఫింగర్, బాబ్‌ కేన్ రాసిన 'ది జోకర్' అనే కామిక్‌ బుక్ ఆధారంగా దర్శకుడు టాడ్‌ ఫిలిప్స్ ఈ 'జోకర్' చిత్రాన్ని తెరకెక్కించారు. ఈ చిత్రంలోని కథనం, సంగీతం మూవీ లవర్స్ను బాగా ఆకట్టుకున్నాయి. ముఖ్యంగా సినిమాలో జోకర్‌గా నటించిన ఫినిక్స్ తన నటనకు గానూ ఉత్తమ నటుడిగా ప్రతిష్టాత్మక ఆస్కార్‌ అవార్డును అందుకున్నారు. అందుకే ఇప్పుడు మొదటి భాగాన్ని మించేలా ఈ సీక్వెల్ను తెరకెక్కించినట్లు మూవీటీమ్ చెబుతోంది. ఈ చిత్రం అక్టోబరు 4న విడుదల కానుంది.
బాలకృష్ణ అలాంటి వ్యక్తి : 'యానిమల్' విలన్ బాబీ దేఓల్ - Bobby Deol Balakrishna NBK 109
'దసరా' ధూమ్‌ధామ్‌ - థియేటర్లు దద్దరిల్లేలా ఐదు బడా సినిమాలు! - Dasara 2024 Box Office War
