Laapataa Ladies Oscars 2025 : 2025 ఆస్కార్ పోటీలకు భారత్ నుంచి ఎంపికైన 'లాపతా లేడీస్'కు నిరాశే మిగిలింది. ఈ సినిమా టాప్ 10లో స్థానం సాధించడంలో విఫలమైంది. ఉత్తమ ఫారిన్ ఫిల్మ్ కేటగిరీ విభాగంలో షార్ట్లిస్ట్ చేసిన టాప్ 10 సినిమాల జాబితాలో 'లాపతా లేడీస్' పేరు లేదు. దీంతో అధికారికంగా 'లాపతా లేడీస్' ఆస్కార్ రేస్ నుంచి తప్పుకున్నట్లైంది. ఈ లిస్ట్లో బ్రెజిల్, కెనడాకు చెందిన చిత్రాలు టాప్లో నిలిచాయి.
కాగా, డైరెక్టర్ కిరణ్రావు ఈ చిత్రానికి దర్శకత్వం వహించారు. స్పర్శ్ శ్రీవాత్సవ, నితాన్షి గోయెల్, ప్రతిభ తదితరులు ప్రధాన పాత్రల్లో నటించారు. బాలీవుడ్ స్టార్ హీరో ఆమిర్ ఖాన్ నిర్మించిన ఈ సినిమా 'ఇండియన్ ఫిల్మ్ ఫెస్టివల్ ఆఫ్ మెల్‌బోర్న్ (IFFM)' అవార్డుల్లో క్రిటిక్స్‌ ఛాయిస్‌ విభాగంలో బెస్ట్ ఫిల్మ్‌గా నిలిచింది. అలాగే ఈ సినిమాను ఇంటర్నేషనల్ ఫిల్మ్ ఫెస్టివల్తోపాటు, సుప్రీంకోర్టు 75 ఏళ్ల వేడుకలో భాగంగా అడ్మినిస్ట్రేటివ్‌ భవనంలోని సి- బ్లాక్‌లోని ఆడిటోరియంలో ప్రదర్శించడం విశేషం.
ఇదీ కథ
2001 కాలం బ్యాక్డ్రాప్తో ఈ సినిమా రూపొందింది. పల్లెటూరికి చెందిన ఇద్దరు కొత్త పెళ్లి కూతుర్లు తమ అత్తారింటికి వెళ్లే సమయంలో ఓ రైలు ప్రయాణంలో అనుకోకుండా తారుమారైపోతారు. ఇది తెలియని పెళ్లికొడుకులు ఆ అమ్మాయిలను ఇంటికి తీసుకెళ్తారు. తీరా చూసుకున్నాక అసలు నిజం బయటపడుతుంది. అయితే ఈ మార్పు వల్ల ఆ ఇద్దరి అమ్మాయిల జీవితం ఎలాంటి మలుపు తిరుగుతుందనేదే మిగతా కథ.
అదే ఉత్తమం!
ఆస్కార్లో భారత్ నుంచి చివరిసారిగా ఉత్తమ ప్రదర్శన ఆమిర్ ఖాన్ 'లగాన్' సినిమాదే. 2002 ఆస్కార్ అవార్డ్స్ బెస్ట్ ఇంటర్నేషనల్ ఫిల్మ్ కేటగిరీలో 'లగాన్' టాప్ 5లో స్థానం దక్కించుకుంది.
దానిపైనే ఆశలు!
ఇక లైవ్ యాక్షన్ షార్ట్ ఫిల్మ్ విభాగంలో భారతీయ లఘు చిత్రం 'అనుజా' అర్హత సాధించింది ఈ విభాగంలో 180 షార్ట్ ఫిల్మ్స్ షార్ట్లిస్ట్ చేయగా 'అనుజా' టాప్ 15లో స్థానం దక్కించుకుంది.
2025 ఆస్కార్‌కు 'లాపతా లేడీస్' - ఆమె మాట నిజం అయ్యిందిగా! - Laapata Ladies Oscars 2025
'స్లమ్డాగ్ మిలియనీర్'కు సీక్వెల్! - డైరెక్టర్ ఏమంటున్నారంటే?
