ఈ నటీనటులు లోక్​సభ ఎన్నికల్లో ఎప్పుడూ ఓటు వేయలేదు.. కారణం తెలిస్తే షాకే! - Indian Celebrities Cant Cast Votes

Indian Celebrities : సార్వత్రిక ఎన్నికలు జరుగుతున్నాయి. సామాన్యుల నుంచి అధికారులు, వ్యాపారవేత్తలు, నటీనటులు.. ఇలా ప్రతి ఒక్కరూ తమ ఓటు హక్కును వినియోగించుకుంటున్నారు. అయితే బాలీవుడ్​కు చెందిన పలువురు నటీనటులు మాత్రం తమ ఓటును ఎప్పుడూ వేయలేదు. వారు ఎవరు? ఎందుకు ఓటు వేయడం లేదో ఈస్టోరీలో చూద్దాం..

These Indian Celebrities Cant Cast Their Votes: ప్రస్తుతం లోక్​సభ ఎన్నికలు జరుగుతున్నాయి. మొత్తం 7 విడతల్లో ఎన్నికలు జరగనుండగా.. ప్రస్తుతం 5వ విడత ఎన్నికలు పూర్తి అయ్యాయి. ఓటు హక్కు ఉన్న ప్రతి ఒక్కరూ తమ ఓటును వినియోగించుకుంటున్నారు. సామాన్య పౌరుల నుంచి సినిమా వాళ్ల వరకు ప్రతి ఒక్కరూ ఈ ఓట్ల పండగలో పాల్గొని తమ బాధ్యతను నిర్వర్తిస్తున్నారు. ఇదిలా ఉంటే బాలీవుడ్​కు చెందిన పలువురు నటీనటులు మాత్రం తమ ఓటును ఎప్పుడూ వేయలేదు. మరి వాళ్లు ఎవరు, ఓటు వేయకపోవడానికి గల కారణాలు ఏంటో ఈ స్టోరీలో చూద్దాం..

అలియా భట్: ప్రముఖ బాలీవుడ్​ నటి అలియా భట్ తన నటనా నైపుణ్యంతో చాలా ఫేమస్​ అయ్యారు. ఆమెకు ఫ్యాన్​ ఫాలోయింగ్​ కూడా చాలానే ఉంది. 'ఆర్ఆర్ఆర్' సినిమాతో తెలుగు ప్రేక్షకులకు సైతం దగ్గరయ్యారు. అయితే ప్రస్తుతం అలియా లోక్​సభ ఎన్నికల్లో తన ఓటు హక్కును వినియోగించుకోలేకపోయారు. అందుకు కారణం.. ఆమె బ్రిటిష్​ పౌరసత్వాన్ని కలిగి ఉన్నారు. అలియా తన తల్లి నుంచి బ్రిటిష్ పౌరసత్వాన్ని వారసత్వంగా పొందారు. ఈ కారణంగా భారత ఎన్నికలలో ఓటు వేయడానికి అర్హత పొందలేదు.

కత్రినా కైఫ్​: బాలీవుడ్‌లో మరో ఫేమస్​ హీరోయిన్​ కత్రినా కైఫ్ కూడా లోక్​సభ ఎన్నికల్లో ఎప్పుడూ ఓటు వేయలేదు. కారణం.. ఆమె కూడా బ్రిటిష్​ పౌరసత్వాన్ని కలిగి ఉండటమే. హాంకాంగ్​లో జన్మించిన ఈ బ్యూటీ బ్రిటిష్​ సిటిజన్​షిప్​ ఉండటం వల్ల భారత ఎన్నికలలో ఓటు వేయలేకపోయింది.

జాక్వెలీన్ ఫెర్నాండెజ్: జాక్వెలిన్ ఫెర్నాండెజ్ ప్రస్తుతం భారతదేశంలో అత్యంత ప్రజాదరణ పొందిన నటీమణులలో ఒకరు. ఆమె సోషల్ మీడియాలో కూడా చాలా యాక్టివ్​గా ఉంటుంది. ప్రస్తుతం ఆమెకు 44 మిలియన్లకు పైగా ఇన్‌స్టాగ్రామ్ ఫాలోవర్లు ఉన్నారు. అలాగే 2006లో మిస్​ శ్రీలంక యూనివర్స్​ టైటిల్​ కూడా గెలుచుకుంది. అయితే ఈమె కూడా ఎన్నికల్లో ఓటు వేయలేదు. కారణం.. జాక్వెలిన్​ శ్రీలంక పౌరసత్వాన్ని కలిగి ఉన్నారు.

ఇమ్రాన్ ఖాన్: బాలీవుడ్‌లో ఫేమస్​ అయిన ఇమ్రాన్ ఖాన్ పుట్టుకతో అమెరికన్. విస్కాన్సిన్‌లోని మాడిసన్‌లో అతను జన్మించాడు. పలు సినిమాల ద్వారా గుర్తింపు పొందినా కూడా.. ఇమ్రాన్ అమెరికన్ పౌరసత్వం కలిగి ఉండటం కారణంగా అతను ఈ ఎన్నికల్లో ఓటు హక్కు వినియోగించుకోలేదు.

సన్నీ లియోన్​: బాలీవుడ్​ అయినా, టాలీవుడ్​ అయినా సన్ని లియోన్​ గురించి పరిచయం అక్కర్లేదు. ఈమెకు ఫ్యాన్స్​ కూడా ఎక్కువే. అయితే సన్ని కెనడియన్-అమెరికన్ పౌరసత్వం కలిగి ఉన్నందు వల్ల ఆమె లోక్​సభ ఎన్నికల్లో ఓటు వేయలేకపోయారు.

నోరా ఫతేహి: తన డ్యాన్స్‌తో అందరినీ ఉర్రూతలూగిస్తున్న నటి నోరా ఫతేహి. మోడల్‌గా, డ్యాన్సర్‌గా, సింగర్‌గా మాత్రమే కాదు.. నిర్మాతగానూ వ్యవహరిస్తోంది ఈ బ్యూటీ. తెలుగు సినిమాల్లోనూ ఐటమ్స్‌ సాంగ్స్‌తో అందరినీ ఆకట్టుకుంది. 2014లో వచ్చిన చిత్రం రోర్‌: టైగర్స్‌ ఆఫ్‌ ది సుందర్‌బన్స్‌ చిత్రంతో బాలీవుడ్‌లో అడుగుపెట్టారు నోరా ఫతేహి. ఇదిలా ఉంటే ప్రస్తుతం జరుగుతున్న ఎన్నికల్లో నోరా తన ఓటును వేయలేదు. కారణం ఆమె కెనడియన్​ పౌరసత్వాన్ని కలిగి ఉండటం.

నర్గీస్ ఫక్రీ: ఫేమస్​ నటి, మోడల్ అయిన నర్గీస్ ఫక్రీ 2011లో విడుదలైన రాక్‌స్టార్ చిత్రంతో బాలీవుడ్‌లో అడుగుపెట్టారు. అంతే కాకుండా సోషల్​ మీడియాలో కూడా యాక్టివ్​గా ఉంటూ పలు ఫొటోలను సైతం షేర్​ చేస్తుంటుంది. ఇదిలా ఉంటే ఆమె ఎన్నికల్లో ఓటు వేయకపోవడానికి కారణం.. ఆమె అమెరికన్ పౌరసత్వం కలిగి ఉండటమే.

ఇలియానా: ఈమె గురించి పరిచయం అక్కర్లేదు. ఒకప్పుడు టాలీవుడ్‌లో దేవదాసు’, ‘పోకిరి’ వంటి చిత్రాలతో తెలుగులో స్టార్‌ హీరోయిన్‌గా రాణించారు గోవా బ్యూటీ ఇలియానా. అయితే పోర్చుగీస్ సంతతికి చెందిన ఈమె.. ఈ కారణంగా ఎన్నికల్లో ఓటు వేయలేకపోయారు. ఆమె 2014లో పోర్చుగీస్ జాతీయతను పొందారు.

కల్కి కోచ్లిన్: మరో ఫేమస్​ యాక్టరస్​ కల్కి కోచ్లిన్​. నటిగా, రచయితగా ఎంతో పాపులర్​ అయ్యారు. అయితే ఆమె ఫ్రెంచ్ పౌరసత్వం కలిగి ఉండటం వల్ల ఈ ఎన్నికల్లో ఓటు వేయలేకపోయింది.