Heroine Tapsee Marriage : సినీ ఇండస్ట్రీలో పెళ్లిళ్ల సీజన్ నడుస్తున్న సంగతి తెలిసిందే. గ్యాప్ లేకుండా వరుసగా చాలా మంది సినీ సెలబ్రిటీలు బ్యాచిలర్ లైఫ్కు గుడ్బై చెబుతూ పెళ్లి పీటలెక్కేస్తున్నారు. గత పది రోజుల్లోనే దాదాపు ఐదు ఆరు జంటలు వివాహ బంధంలోకి అడుగుపెట్టాయి. ఈ క్రమంలోనే ఇప్పుడు మరో హీరోయిన్ పెళ్లికి రెడీ అయిందా అంటే అవుననే సమాధానమే చాలా గట్టిగా వినిపిస్తోంది. మొన్నీమధ్యే హీరోయిన్ రకుల్ ప్రీత్ సింగ్ తన ప్రియుడు జాకీ భగ్నానీతో ఏడడుగులు వేసింది. రీసెంట్గా కొద్ది రోజుల క్రితమే తెలుగు హీరో ఆశిష్ కూడా వివాహ బంధంలోకి అడుగుపెట్టాడు. ఇప్పుడు ప్రముఖ హీరోయిన్ తాప్సీ కూడా పెళ్లి బంధంలోకి అడుగుపెట్టేందుకు రెడీ అయిందని తెలిసింది. అయితే సీక్రెట్గా ప్రియుడితో ఏడడుగులు వేయనుందని టాక్ వినిపిస్తోంది.
ఇక్కడ ఫ్లాప్ - అక్కడ హిట్ : తెలుగు చిత్రసీమలో గ్లామరస్ క్యూట్ హీరోయిన్గా తాప్సీ పేరు తెచ్చుకుంది. 'ఝమ్మంది నాదం' సినిమాతో తెలుగులోకి ఎంట్రీ ఇచ్చిన ఈ భామను సొట్ట బుగ్గల సందరి అని అందరూ పిలిచేవారు. రవితేజ, మంచు మనోజ్, గోపిచంద్ సహా పలు హీరోలతో నటించింది. కానీ ఆమె తెలుగులో ఎన్ని సినిమాలు చేసినప్పటికీ స్టార్ స్టేటస్ అందుకోలేకపోయింది. తమిళంలోనూ పెద్ద హీరోయిన్గా పేరు తెచ్చుకోలేదు. ఇక ఎప్పుడైతే బాలీవుడ్లో అడుగు పెట్టిందో అప్పటినుంచి కూడా వరుసగా సినిమాలు చేస్తూ హిట్స్ను అందుకుంది. ముల్క్ , బడ్లా, తప్పడ్ వంటి లేడీ ఓరియెంటెడ్ సినిమాలతో ఎక్కువగా సక్సెస్ను సాధించింది. రీసెంట్గా గతేడాది డిసెంబర్లో షారుక్ ఖాన్ డంకీ చిత్రంతో ప్రేక్షకుల ముందుకొచ్చింది. ఈ సినిమా ఆశించినంత స్థాయిలో ఆడలేదు.
త్వరలోనే పెళ్లి : ఇక తాప్సీ పర్సనల్ విషయానికొస్తే గత పదేళ్ల నుంచి డెన్మార్క్ బ్యాడ్మింటన్ ప్లేయర్‌ మథియస్ బోతో ఆమె రిలేషన్షిప్లో ఉంది. అయితే ఈ విషయం గురించి బయట ఎక్కడా మాట్లాడకుండా చాలా కాలం దాచుతూ వచ్చింది. గతేడాదే తమ బంధం గురించి అఫీషియల్గా ప్రకటించింది. అయితే ఇప్పుడీ జంట పెళ్లి పీటలెక్కబోతున్నట్లు తాజాగా సమాచారం అందింది. ఉదయ్‌పూర్ వీళ్ల పెళ్లికి వేదిక కానుందని తెలిసింది. కేవలం కుటుంబ సభ్యుల సమక్షంలోనే ఈ వేడుక జరగనుందని అంటున్నారు.
బిగ్గెస్ట్ మల్టీస్టారర్కు బాలయ్య జై - ప్రభాస్తో కలిసి రూ.100కోట్ల బడ్జెట్ మూవీలో!
OTTలో సూపర్ హిట్ క్రైమ్ థ్రిల్లర్స్ - ఇవి చూశారంటే అంతే ఇక!
