Heroine Megha Akash Marriage : గత ఏడాది నుంచి వరుసగా హీరోయిన్ల పెళ్లిళ్ల వార్తలు వస్తూనే ఉన్నాయి. రకుల్ ప్రీత్ సింగ్, తాప్సీ పన్ను, అదితి రావు హైదరి, అపర్ణ దాస్ పెళ్లి వార్తలు కూడా తాజాగా వినిపించాయి. వరలక్ష్మి శరత్ కుమార్, తమన్నా కూడా త్వరలోనే పెళ్లి పీటలు ఎక్కబోతున్నారు. ఇప్పుడు మరో టాలీవుడ్ హీరోయిన్కు కూడా కల్యాణ ఘడియలు వచ్చాయని తెలుస్తోంది.
ఎవరంటే? - లై సినిమాతో తెలుగు తెరకు పరిచయమైన మేఘ ఆకాశ్ తన సోషల్ మీడియాలో సంప్రదాయ పద్దతిలో చీర కట్టుకుని, తన చేతులకున్న మెహందిను చూపిస్తున్న ఫోటోలను షేర్ చేసింది. అయితే ఈ ఫోటో మాత్రమే పెళ్లి గురించి అనుమానాలను పెంచలేదు. ఆ ఫోటోకు #weddingvibes అనే హాష్ ట్యాగ్ కూడా ఉపయోగించడమే అందరూ అలా అనుకోవడానికి కారణమైంది. అయితే గత ఏడాది కూడా మేఘ ఆకాశ్ పెళ్లిపై రకరకాల వార్తలు వచ్చాయి. మేఘ చెన్నైకి చెందిన వ్యాపారవేత్తను పెళ్లి చేసుకోబోతుంది అంటూ మీడియాలో న్యూస్ వచ్చింది అయితే వాటి గురించి మేఘ కుటుంబం నుంచి ఎటువంటి స్పందనా రాలేదు.
ఇప్పుడు కూడా అటువంటి వార్తలా లేక నిజంగానే ఈ అమ్మడు పెళ్లికి సిద్ధం అయిందా అని అందరూ అనుకుంటున్నారు. కానీ ఈ ఫోటోలు తన నిజమైన పెళ్లివి కావని ఒక యాడ్ షూటింగ్లో భాగంగా దిగిన ఫోటోలని ఇంకొందరు అభిప్రాయపడుతున్నారు. అయితే ఈ విషయంపైన మేఘ మాత్రం ఇంకా స్పందించలేదు.
MEGHA AKASH UPCOMING MOVIES : కాగా, లై, చల్ మోహన రంగ, గుర్తుందా శీతాకాలం, రావణాసుర వంటి సినిమాల్లో నటించిన మేఘకు హీరోయిన్గా పెద్ద గుర్తింపు రాలేదు. రావణాసురలో చేసిన నెగటివ్ క్యారెక్టర్ కూడా మేఘ కెరీర్కు పెద్దగా ఉపయోగపడలేదు. అందుకే మేఘ మనసు పెళ్లి మీదకు మళ్లిందని చాలామంది అనుకుంటున్నారు. ప్రస్తుతం ఈ ముద్దుగుమ్మ రెండు తెలుగు సినిమాలు, ఒక తమిళ సినిమా షూటింగ్స్తో బిజీగా ఉంది.
