Devara Part 1 Release Date : జూనియర్ ఎన్టీఆర్, కొరాటల శివ కాంబోలో వస్తున్న లేటెస్ట్ మూవీ 'దేవర'. తాజాగా ఈ మూవీకి ఓ కొత్త డేట్ను మేకర్స్ ప్రకటించారు. దసరా కానుకగా ఈ ఏడాది అక్టోబర్ 10న థియేటర్లలో విడుదల కానున్నట్లు వెల్లడించారు. గతంలో ఈ సినిమాను మేకర్స్ ఏప్రిల్ 5న ప్రేక్షకుల ముందుకు తీసుకురానున్నట్లు ప్రకటించారు. అయితే ఇప్పుడు ఈ సినిమాకు కొత్త డేట్ను ప్రకటించారు.
ఇప్పటికే విడుదలైన టీజర్ అభిమానుల్లో ఈ సినిమాపై భారీ అంచనాలు పెంచింది. ఇందులో జూనియర్ ఎన్టీఆర్ లుక్ కూడా చాలా కొత్తగా ఉందని నెటిజ అభిప్రాయపడుతున్నారు. అయితే తాజాగా ఈ సినిమా అనుకున్న తేదీకి విడుదల కాదన్న వార్తలు నెట్టింట తెగ ట్రెండ్ అయ్యాయి. దీంతో ఫ్యాన్స్ ఆందోళన చెందారు. అసలు కారణమేంటా అని నెట్టింట తెగ ఆరా తీశారు.
అయితే ఈ సినిమాలోని విలన్ రోల్ పోషిస్తున్న బాలీవుడ్ స్టార్ హీరోకు ఇటీవలే గాయలయ్యాయి. సెట్స్లో యాక్షన్ సీక్వెన్స్ తెరకెక్కిస్తున్న సమయంలో ఈ ఘటన జరిగింది. అప్రమత్తమైన మూవీ యూనిట్ ఆయన్ను ఆస్పత్రికి తరలించారు. అయితే ఆయన కోలుకునేందుకు ఇంకా సమయం పడుతుందని సమాచారం. దీంతో పాటు ఈ సినిమాకు సంబంధించిన పాటలను కంపోజ్ చేసేందుకు మ్యూజిక్ డైరెక్టర్ అనిరుధ్ కాస్త ఎక్కువ టైమ్ తీసుకుంటున్నారట. ఇప్పటి వరకు ఫస్ట్ సాంగ్ కూడా పూర్తవ్వలేదని టాక్ నడుస్తోంది. ఇది కూడా వాయిదాకి కారణం కావొచ్చని సినీ విశ్లేషకుల మాట. ఇలాంటి పరిస్థితుల్లో సినిమా చిత్రీకరణ కూడూ కాస్త లేట్ అవుతోందని అందుకే మూవీకి కొత్త రిలీజ్ డేట్ను ఫిక్స్ చేశారని సమాచారం.
ఇక ఏప్రిల్ 5కి సూర్య 'కంగువ', అక్షయ్ కుమార్ 'బడే మియాన్ చోటే మియాన్', అజయ్ దేవగణ్ 'మైదాన్' సినిమాలు విడుదలకు సిద్ధంగా ఉన్నాయి. ఇది కూడా దేవర వాయిదాకు మరో కారణం అని సమాచారం. ఏదీ ఏమైనప్పటికీ ఇప్పటి విడుదల తేదీతో ఫ్యాన్స్లో కాస్త ఉత్సాహాన్ని నింపుతోందని నెటిజన్లు కామెంట్లు పెడుతున్నారు.
తారక్ లైనప్ - ఫుల్ కన్ఫ్యూజన్ బాస్!
NTR : తొలి సినిమాకు రూ.4 లక్షలు రెమ్యునరేషన్ - 'దేవర'కు ఎన్ని కోట్లంటే?
