Chiranjeevi vishwambara Movie Shooting Update : టాలీవుడ్ మెగాస్టార్ చిరంజీవి నటిస్తున్న మోస్ట్ అవైటెడ్ మూవీ 'విశ్వంభర'. భోళాశంకర్ వంటి ఫ్లాప్ తర్వాత ఎలాగైనా హిట్ కొట్టాలని చిరు పట్టుదలతో ఉన్నారు. అలాగే తన తొలి చిత్రంతోనే బింబిసారతో భారీ సక్సెస్ అందుకున్న దర్శకుడు మల్లిడి వశిష్ఠ ఈ సినిమాకు దర్శకత్వం వహిస్తున్నారు.
సోషియో ఫాంటసీగా అత్యంత భారీ బడ్జెట్తో యువీ క్రియేషన్స్ ఈ చిత్రాన్ని నిర్మిస్తోంది. దాదాపు రూ.200 కోట్ల భారీ బ్జడెట్‌తో నిర్మిస్తున్నారు. చిరంజీవి కెరీర్‌లోనే అత్యధిక బడ్జెట్తో రూపొందుతున్న సినిమాగా ఇది నిలిచిపోనుంది. అంతేకాదు, సోషియో ఫాంటసీ సినిమా కావడం వల్ల వీఎఫ్‌ఎక్స్‌పై ప్రత్యేక శ్రద్ధ పెడుతున్నట్లు సమాచారం. ఈ చిత్రాన్ని 2025 సంక్రాంతి కానుకగా విడుదల చేయడమే లక్ష్యంగా మూవీ టీమ్ షూటింగ్ పనులను చక చక చేసుకుంటూ పోతోంది. రీసెంట్గా ఈ చిత్రానికి సంబంధించిన డబ్బింగ్ పనులను కూడా ప్రారంభమయ్యాయి.
మొత్తంగా ఈ చిత్రం షూటింగ్తో పాటు డబ్బింగ్, పోస్ట్ ప్రొడక్షన్ పనులు ఇలా అన్నీ ఏకకాలంలోనే చేసుకుంటూ ముందుకు పోతోంది. అయితే ఈ సినిమా షూటింగ్పై లేటెస్ట్ అప్డేట్ బయటకు వచ్చింది. ప్రస్తుతం సినిమాలో రెండు సాంగ్స్ షూటింగ్ మినహా అంతా పూర్తి అయినట్లు తెలుస్తోంది. ఇవి కూడా త్వరలోనే పూర్తి చేసి ఈ జనవరి బరిలోనే సినిమాను దింపే సన్నాహాలు మేకర్స్ చేస్తున్నట్లుగా సమాచారం అందింది.
Chiranjeevi vishwambara Heroine : కాగా, ఈ విశ్వంభర సినిమా కోసం ఏకంగా 13 భారీ సెట్‌లతో ఓ ప్రత్యేక ప్రపంచాన్ని సృష్టించారు. ఇంతకుముందెన్నడూ చూడని సరికొత్త అవతారంలో చిరంజీవి కనిపించనున్నారు. సినిమాలో చిరుకు జోడిగా త్రిష, ఆషిక రంగనాథ్ నటిస్తున్నారు. మరో ముగ్గురు హీరోయిన్లు ఇతర కీలక పాత్రల్లో నటిస్తున్నారు. ఆస్కార్ అవార్డ్ గ్రహీత ఎంఎం కీరవాణి సంగీతం అందిస్తున్నారు. ఎన్నో అంచనాలు రానున్న ఈ సినిమా కోసం మెగా ఫ్యాన్స్ ఎప్పుడు నుంచో ఆసక్తిగా ఎదురు చూస్తున్నారు.
'శ్వాగ్' రివ్యూ - శ్రీ విష్ణు ఖాతాలో హ్యాట్రిక్ హిట్ పడినట్టేనా? - Sri Vishnu SWAG Movie Review
రజనీకాంత్ 'వేట్టాయన్'పై కోర్టులో కేసు - ఎందుకంటే? - Vettaiyan Movie Court Case
