Devara Ayudha Pooja Song : గ్లోబల్ స్టార్ ఎన్టీఆర్ - కొరటాల శివ కాంబో తెరకెక్కిన 'దేవర' మరికొన్ని గంటల్లో థియేటర్లలో సందడి చేయనుంది. ఈ నేపథ్యంలో ఫ్యాన్స్ ఎప్పట్నుంచో ఎదురుచూస్తున్న 'ఆయుధ పూజ' పాటను మేకర్స్ గురువారం రిలీజ్ చేశారు. ఈ పాటకు రామజోగయ్య శాస్త్రి లిరిక్స్ అందించగా, సింగర్ కాలభైరవ పాడారు. అనిరుధ్ రవిచందర్ సంగీతం అందించారు. మరి మీరు పాట విన్నారా?
ఇక తాజాగా సినిమా నుంచి అన్ని పాటలతో జ్యూక్ బాక్స్ (Juke Box) కూడా మేకర్స్ రిలీజ్ చేశారు. దేవరలోని అన్ని పాటలు ఈ జ్యూక్ బాక్స్లో అందుబాటులో ఉంటాయి. ఇక ఇప్పటికే రిలీజైన ఫియర్, చుట్టమల్లే, దావూదీ పాటలకు ప్రేక్షకుల నుంచి మంచి రెస్పాన్స్ లభించింది. ముఖ్యంగా చుట్టమల్లే పాట 100 మిలియన్ వ్యూస్ క్రాస్ చేసి అరుదైన ఘతన సాధించింది. ఈ పాటకు సోషల్ మీడియాలో నెటిజన్లు లక్షల్లో రీల్స్ చేశారు.
కాగా, ఈ సినిమాను స్టార్ డైరెక్టర్ కొరటాల శివ రెండు భాగాలుగా తెరకెక్కించారు. సముద్రం బ్యాక్డ్రాప్లో హై క్వాలిటీ వీఎఫ్ఎక్స్తో ఈ సినిమా తెరకెక్కింది. బాలీవుడ్ బ్యూటీ జాన్వీ కపూర్ ఎన్టీఆర్ సరసన హీరోయిన్గా నటించింది. సీనియర్ నటుడు సైఫ్ అలీ ఖాన్ విలన్ పాత్ర పోషించారు. శ్రీకాంత్, రమ్యకృష్ణ, ప్రకాశ్ రాజ్, శ్రతి మరాఠే, గెటప్ శ్రీను తదితరులు ఆయా కీలక పాత్రలు పోషించారు.
భారీ అంచనాల నడుమ విడుదల కానున్న ఈ సినిమా ఇప్పటికే పలు రికార్డులు నెలకొల్పింది. ఓవర్సీస్‌లో ప్రీసేల్‌ బుకింగ్స్‌లో అత్యంత వేగంగా వన్‌ మిలియన్ డాలర్ల మార్క్‌ను చేరుకుంది. లాస్‌ ఏంజెల్స్‌లో జరగనున్న బియాండ్‌ ఫెస్ట్‌లో ప్రదర్శితం కానున్న తొలి భారతీయ సినిమా ఇదే. వరల్డ్వైడ్ గ్రాండ్గా శుక్రవారం (సెప్టెంబర్ 27) రిలీజ్ కానుంది. హెదరాబాద్లో పలు థియేటర్లలో అర్థరాత్రి 1.00 గంటలకే తొలి షో పడనుంది. ఈ నేపథ్యంలో ఫ్యాన్స్ ఇప్పటికే థియేటర్లకు చేరుకొని సందడి చేస్తున్నారు. ఫ్యాన్స్ తాకిడితో థియేటర్లు కోలాహలంగా మారాయి.
మీరు 'దేవర'కు వెళ్తున్నారా? - ఈ 15 ఆసక్తికర విషయాలు తెలుసా? - Devara Movie Interesting Facts
హాలీవుడ్లో 'దేవర' స్క్రీనింగ్ - USలోనూ సినిమాకు ఫుల్ క్రేజ్! - Devara Screening At Los Angeles
