'పుష్ప' కపుల్ సాంగ్ ఔట్- శ్రీవల్లి 2.Oని చూశారా? - PUSHPA COUPLE SONG

Pushpa Couple Song: 'పుష్ప ది రూల్' సినిమా నుంచి రెండో పాట బుధవారం రిలీజైంది. 'కపుల్ సాంగ్' పేరుతో విడుదలైన పాట యూట్యూబ్​లో ట్రెండింగ్​లో దూసుకుపోతోంది.

Pushpa Couple Song: ఐకాన్ స్టార్ అల్లు అర్జున్- రష్మిక మంధన్నా లీడ్ రోల్స్​లో నటిస్తున్న 'పుష్ప- 2' నుంచి రెండో పాట రిలీజైంది. 'కపుల్ సాంగ్' పేరుతో తెలుగు, హిందీ, తమిళం, మలయాళం, కన్నడ భాషల్లో ఈ పాట బుధవారం రీలీజైంది. 'సూసేకి అగ్గిరవ్వ మాదిరి ఉంటాడే నా సామి' అనే లిరిక్స్​కు స్టైలిష్ కాస్ట్యూమ్​లో పుష్పరాజ్​తో కలిసి శ్రీవల్లి స్టెప్పులేసింది. 'పుష్ప- 2' ప్రారంభమైనప్పటి నుంచి కేవలం రెండు పోస్టర్లు తప్ప రష్మిక గురించి ఎలాంటి ఎప్డేట్ రాలేదు. ఇక ఈ పాటతో రష్మిక ఫ్యాన్స్​కు మూవీటీమ్ ట్రీట్ ఇచ్చినట్లైంది.

కాగా, పుష్ప టైటిల్ సాంగ్ రాసిన రైటర్​ చంద్రబోస్ ఈ పాటకు కూడా లిరిక్స్ అందించారు. టాప్ సింగర్ శ్రేయా ఘోషల్ స్వరం పాటకు ప్లస్ అయ్యింది. 'తగ్గేదేలే' మేనరిజంతో సింపుల్ స్టేప్స్​తో బన్ని, రష్మిక డ్యాన్స్​ అదరగొట్టారు. తొలి పార్ట్​లో రష్మికను కాస్త డీగ్లామర్​గా చూపిన డైరెక్టర్ సుకుమార్ ఈపాటలో స్టైలిష్​లుక్​లో చూపించారు. ఇక పాట రిలీజైన గంటలోపే 5 లక్ష్యల వ్యూస్ దాటడం విశేషం. కాగా, ఇటీవల రిలీజైన టైటిల్ సాంగ్ 'పుష్ప పుష్ప'కు కూడా భారీ రెస్పాన్స్ లభించింది.

రాక్​స్టార్ దేవీ శ్రీ ప్రసాద్ ఈ సినిమాకు సంగీత దర్శకుడిగా వ్యవహరిస్తున్నారు. సినిమాలో హీరోయిన్​గా రష్మిక మంధన్నా నటిస్తోంది. మలయాళ స్టార్ హీరో ఫహాద్ ఫాజిల్​, సునీల్, అనసూయ తదితరులు ఇతర కీలక పాత్రల్లో నటిస్తున్నారు. తొలి పార్ట్​లోలాగే సీక్వెల్​లోనూ ఓ స్పెషల్ సాంగ్ ఉండనున్నట్లు తెలిసింది. అందులో బాలీవుడ్ బ్యూటీ తృప్రి దిమ్రి బన్నితో స్టెప్పులేయనుందని టాక్ వినిపిస్తోంది. కానీ, దీనిపై క్లారిటీ రావాల్సి ఉంది. ఇక ఇప్పటికే విడుదల చేసిన రెండు స్పెషల్​ గ్లింప్స్​లు ఫ్యాన్స్​లో గూస్​బంప్స్ తెప్పించి సోషల్ మీడియాను షేక్ చేశాయి. ఈ సీక్వెల్‌ను వరల్డ్ వైడ్​గా ఆగస్ట్ 15న గ్రాండ్​గా రిలీజ్ చేయనున్నారు. కచ్చితంగా ఈ చిత్రం రూ.1000 కోట్లకు పైగానే వసూలు చేస్తుందని సినీ వర్గాలు అంచనా వేస్తున్నాయి.