Ajith Kumar Car Stunt : కోలీవుడ్ స్టార్ నటుడు అజిత్ ప్రస్తుతం విడాముయర్చి షూటింగ్లో బిజీగా ఉన్నారు. గత కొంతకాలంగా ఈ మూవీ చిత్రీకరణకు ఎన్నో సార్లు బ్రేక్ పడినప్పటికీ మేకర్స్ వేగం పుంజుకుని మరీ షూట్ చేస్తున్నారు. ఇందులో భాగంగా తాజాగా ఈ సినిమాకు సంబంధించిన ఓ వీడియోను షేర్ చేశారు. " ధైర్యానికి హద్దులు ఉండవని నిరూపించిన హీరో" అంటూ క్యాప్షన్ రాసుకొచ్చారు. అందులో అజిత్ కుమార్ డూప్ లేకుండా ఓ డేెంజరస్ స్టంట్ చేశారు.
ఓ ఏడారిలో షూట్ చేసిన ఆ సీన్లో అజిత్ ఎంతో సాహసోపేతంగా కారు నడిపారు. ఆ కారు కాస్త రోడ్డు పక్కునున్న ఎడారిలోకి దూసుకెళ్లి బోల్తా పడింది. దీనికి సంబంధించిన వీడియో ప్రస్తుతం నెట్టింట ట్రెండ్ అవుతోంది. ఇందులో అజిత్తో పాటు ఆరవ్ అనే మరో నటుడు ఉన్నారు. ఈ ప్రమాదం నుంచి ఆయన చిన్నపాటి గాయాలతో బయటపడ్డారని సమాచారం.
ఇక ఈ వీడియో చూసిన నెటిజన్లు, అజిత్ అభిమానులు తనను పొగడ్తలతో ముంచెత్తుతున్నారు. అతడి డేరింగ్కు హ్యాట్సాఫ్ చెప్తున్నారు. ఐదు పదుల వయసులోనూ తన ఎనర్జీటిక్ మూవ్స్ చూసి ఆశ్చర్యపోతున్నారు. మరోవైపు ఆయన గతంలో తన సినిమాల్లో చేసిన స్టంట్స్ గురించి చెప్పుకుంటున్నారు.
-
Bravery knows no bounds! 💪 Witness Ajith Kumar's fearless dedication as he takes on a daring stunt sequence in #VidaaMuyarchi without any stunt double. 🫡 🔥#AjithKumar pic.twitter.com/62NyEG4cvG
— Lyca Productions (@LycaProductions) April 4, 2024
ఇక విడాముయర్చి సినిమా విషయానికి వస్తే - యాక్షన్ థ్రిల్లర్గా రూపొందుతున్న ఈ సినిమాలో అజిత్ సరసన త్రిష నటిస్తుండగా ప్రియ భవానీ శంకర్‌, బాలీవుడ్ స్టార్ హీరో సంజయ్‌ దత్‌ కీలక పాత్ర పోషిస్తున్నారు. తమిళ డైరెక్టర్ మగిళ్‌ తిరుమేని ఈ చిత్రాన్ని ప్రతిష్టాత్మకంగా తెరకెక్కిస్తున్నారు. లైకా సుబాస్కరన్ తన సొంత బ్యానర్ లైకా ప్రొడక్షన్స్పై ఈ సినిమాను నిర్మిస్తున్నారు.
మరోవైపు మైత్రీ మూవీ మేకర్స్ నిర్మిస్తున్న 'గుడ్ బ్యాడ్ అగ్లీ' అనే సినిమాలోనూ అజిత్ నటిస్తున్నారు. ఈ చిత్రానికి అధిక్ రవిచంద్రన్ దీనిని తెరకెక్కిస్తున్నారు. తమిళంతో పాటు ఈ సినిమాను తెలుగులోనూ విడుదల చేసేందుకు సన్నాహాలు చేస్తున్నారు. తాజాగా విడుదలైన టైటిల్ పోస్టర్ అభిమానుల్లో ఈ సినిమాపై మరింత ఆసక్తి పెంచుతోంది.
