Zomato CEO Deepinder Goyal Marriage : ప్రముఖ ఫుడ్ డెలివరీ యాప్ జొమాటో సీఈఓ దీపిందర్, మెక్సికోకు చెందిన మోడల్, పారిశ్రామికవేత్త అయిన గ్రేసియా మునోజ్ను వివాహం చేసుకున్నారు. ఆయనకు ఇది రెండో పెళ్లి కావడం గమనార్హం.
రహస్యంగా పెళ్లి!
దీపిందర్ ఐఐటీలో చదివే రోజుల్లోనే కంచన్ జోషిని వివాహం చేసుకున్నారు. తరువాత వారిద్దరూ విడిపోయారు. దీనితో ఆయన రహస్యంగా రెండో వివాహం చేసుకున్నారు. వాస్తవానికి నెల క్రితమే ఈ పెళ్లి జరగగా, తాజాగా ఈ విషయం సోషల్ మీడియా ద్వారా వెలుగులోకి వచ్చింది.
మాజీ మోడల్
Who Is Grecia Munoz : మునోజ్ ఇన్‌స్టాగ్రామ్‌ బయో ప్రకారం, ఆమె మెక్సికోలో జన్మించారు. మొదట్లో ఆమె మోడలింగ్ చేసేవారు. మెట్రోపాలిటన్ ఫ్యాషన్ వీక్ 2022 విజేతగా నిలిచారు. తరువాత దానికి స్వస్తి చెప్పి, సొంతంగా స్టార్టప్ మొదలుపెట్టారు. ప్రస్తుతం దానినే నడిపిస్తున్నారు.
కొత్త ఇంటికి వచ్చా
మునోజ్ ప్రస్తుతం భారత్లోనే ఉంటున్నారు. ఆమె దిల్లీకి వచ్చి, కొన్ని చారిత్రాత్మక ప్రదేశాలు సందర్శించారు. వాటి ఫొటోలను తన ఇన్స్టాగ్రామ్లో పోస్ట్ చేస్తూ, 'నా కొత్త ఇంట్లో, నా కొత్త జీవితం' అనే క్యాప్షన్ ఇచ్చారు.
ఉద్యోగం వదిలేసి
దీపిందర్ ఐఐటీ చదివారు. మొదట్లో ఒక కన్సల్టింగ్ కంపెనీలో పనిచేశారు. తరువాత 2008లో హరియాణాలోని గురుగ్రామ్ కేంద్రంగా జొమాటో యాప్ను ప్రారంభించారు. ప్రస్తుతం దేశంలోని వెయ్యికి పైగా నగరాల్లో జొమాటో సేవలు అందిస్తోంది.
శాకాహారుల కోసం జొమాటో ‘ప్యూర్ వెజ్ ఫ్లీట్’
జొమాటో వ్యవస్థాపకుడు, సీఈఓ దీపిందర్ జోషి ఇటీవలే శాకాహారుల కోసం ప్రత్యేకంగా 'ప్యూర్ వెజ్ ఫ్లీట్' పేరుతో ప్రత్యేక సేవలను ప్రారంభించారు. దీని వల్ల కస్టమర్లు శాకాహారం మాత్రమే అందించే రెస్టారెంట్‌లను ఎంపిక చేసుకునే సౌకర్యం కలుగుతుంది. అంతేకాదు నాన్-వెజ్ వండే హోటల్స్ను పూర్తిగా మినహాయించే అవకాశం కూడా యూజర్లకు కల్పిస్తారు. అయితే ఇందుకోసం మొదటిగా ఆకుపచ్చ డెలివరీ బాక్స్లను ఉపయోగించాలని జొమాటో భావించింది. కానీ చివరికి ఎర్ర బాక్స్ల్లోనే ఫుడ్ ఆర్డర్స్ అందించాలని నిర్ణయించుకుంది.
