What Is Re KYC Online : మీకు బ్యాంక్ ఖాతా ఉన్నా లేదా మ్యూచువల్ ఫండ్స్లో మదుపు చేస్తున్నా లేదా ఇతర ఆర్థిక కార్యకలాపాలు సజావుగా జరగాలన్నా కచ్చితంగా కేవైసీ అప్డేట్ చేసుకోవాలి. అప్పుడే మీ ఖాతాలకు భద్రత ఏర్పడుతుంది. అందుకే బ్యాంకులు అన్నీ తమ కస్టమర్లను 'పీరియాడిక్ అప్డేషన్ ఆఫ్ కేవైసీ' (రీ-కేవైసీ) చేసుకోవాలని సూచిస్తుంటాయి.
కారణమిదే!
ప్రస్తుత కాలంలో ఆన్లైన్ మోసాలు, సైబర్ ఫ్రాడ్లు విపరీతంగా పెరిగిపోతున్నాయి. వీటిని నివారించేందుకు, కస్టమర్ల ఖాతాకు భద్రత కల్పించేందుకు, బ్యాంకులు ఎప్పటికప్పుడు కేవైసీ వివరాలు అప్డేట్ చేసుకోమని తమ ఖాతాదారులను కోరుతుంటాయి. అయితే ఈ ప్రక్రియ ఎలా పూర్తి చేయాలో తెలియక చాలా మంది కస్టమర్లు ఇబ్బందిపడుతూ ఉంటారు.
ఆన్లైన్లోనే అప్డేట్ చేసుకోవచ్చు!
ప్రస్తుతం చాలా బ్యాంకులు తమ కస్టమర్లకు ఆన్లైన్లోనే రీ-కేవైసీ అప్డేట్ చేసుకునే ఫెసిలిటీని కల్పిస్తున్నాయి. మరెందుకు ఆలస్యం బ్యాంక్ పోర్టల్స్లో మీ రీ-కేవైసీని ఎలా అప్డేట్ చేసుకోవాలో ఇప్పుడు చూద్దాం.
నోట్ : బ్యాంకులను బట్టి కేవైసీ అప్డేట్ ప్రక్రియలో చిన్నచిన్న మార్పులు ఉంటాయి. కానీ ఓవరాల్గా చూసుకుంటే, ప్రధానమైన బ్యాంకుల్లో ఈ కేవైసీ అప్డేట్ విధానం అంతా ఓకేలా ఉంటుంది.
స్టేట్ బ్యాంక్ ఆఫ్ ఇండియా (ఎస్బీఐ) :
- ముందుగా మీరు ఎస్బీఐ ఆన్లైన్ బ్యాంకింగ్‌ పోర్టల్‌లోకి లాగిన్ కావాలి.
- My Accounts & Profile’ సెక్షన్‌లోకి వెళ్లి Update KYCపై క్లిక్ చేయాలి.
- మీ ఎస్బీఐ అకౌంట్‌ను ఎంచుకొని Nextపై క్లిక్ చేయాలి.
- తరువాత కేవైసీ అప్డేట్కు సంబంధించిన పత్రాలను అప్లోడ్ చేయాలి.
హెచ్డీఎఫ్సీ బ్యాంక్
- హెచ్డీఎఫ్సీ పోర్ట్లో రీ- కేవైసీని చాలా సులువుగా చేసుకోవచ్చు.
- ఇందుకోసం ముందుగా హెచ్డీఎఫ్సీ వెబ్ పోర్టల్ ఓపెన్ చేయాలి.
- పర్సనల్ డీటైల్స్ విభాగంలో రీ-కేవైసీకి సంబంధించిన లింక్ ఉంటుంది.
- ఈ రీ-కేవైసీ లింక్పై క్లిక్ చేసి, అందుకు సంబంధించిన పత్రాలను అప్లోడ్ చేయాలి.
(లేదా)
- హెచ్డీఎఫ్సీ బ్యాంక్ వెబ్సైట్ నుంచి సంబంధిత ఫారాన్ని డౌన్‌లోడ్‌ చేసుకుని వివరాలు నింపి, అన్ని పత్రాలు జోడించి దగ్గర్లోని బ్యాంకు శాఖకు పంపించాలి. లేదంటే నేరుగా బ్యాంకు శాఖకైనా అందించొచ్చు.
ఐసీఐసీఐ బ్యాంక్
- ముందుగా మీరు ఐసీఐసీఐ నెట్‌ బ్యాంకింగ్‌ పోర్టల్‌లోకి లాగిన్ కావాలి.
- ఒకవేళ మీ కేవైసీ అప్డేట్ చేయాల్సి ఉంటే, స్క్రీన్పైనే అది చూపిస్తుంది.
- తరువాత మీరు ఆథరైజేషన్ బాక్స్పై టిక్ చేసి, Update Through Document Upload ఆప్షన్‌పై క్లిక్ చేయాలి.
- కేవైసీ వివరాల్లో ఏవైనా మార్పులు ఉంటే, వాటిని అప్డేట్ చేయాలి.
- తరువాత పాన్‌ కార్డ్‌ను కూడా అప్లోడ్ చేయాలి.
- మీ అడ్రస్ వివరాలను కూడా అక్కడే మార్చుకోవచ్చు.
కెనరా బ్యాంక్
- ముందుగా మీరు కెనరా బ్యాంక్ వెబ్సైట్లో లాగిన్ కావాలి.
- services సెక్షన్లో కనిపించే ‘Re-KYC’పై క్లిక్ చేసి వివరాలు అప్డేట్ చేయాలి.
యెస్ బ్యాంక్
- ముందుగా యెస్ బ్యాంక్ పోర్టల్లో లాగిన్ కావాలి.
- వెంటనే రీ-కైవేసీ పాప్-అప్ వస్తుంది. దీనిపై క్లిక్ చేయాలి.
- అధార్ అథంటికేషన్ చేసి, కేవైసీ పూర్తి చేయాలి.
- మీ చిరుమానా వివరాలు కూడా ఇక్కడే అప్డేట్ చేసుకోవచ్చు.
కేవైసీ పూర్తి చేయడానికి కావాల్సిన పత్రాలు
ఓటర్‌ ఐడీ, పాన్‌ కార్డ్, భారత ప్రభుత్వం జారీ చేసిన ఈ- ఆధార్‌ లెటర్‌, డ్రైవింగ్‌ లైసెన్స్‌, NREGA జారీ చేసిన జాబ్‌కార్డ్‌, పాస్‌పోర్ట్లను చిరునామాగా, ఐడీ ప్రూఫ్‌గా అంగీకరిస్తారు.
ఐటీ రిటర్నుల ఫైలింగ్‌లో తప్పులు చేశారా? అయితే సరిదిద్దుకోండిలా! చివరి తేది ఇదే! - Revised ITR Filing
