Maruti Suzuki Dzire Top Rivals : మీరు రూ.7 లక్షల బడ్జెట్లో మంచి కారు కొనాలని అనుకుంటున్నారా? అయితే ఇది మీ కోసమే. ప్రస్తుతం మార్కెట్లో ఈ బడ్జెట్లో చాలా మంచి ఫీచర్లు, స్పెక్స్తో, ఎక్కువ మైలేజ్ ఇచ్చే కార్లు చాలానే ఉన్నాయి. వాటిపై ఓ లుక్కేద్దాం రండి.
1. Maruti Dzire : మారుతి సుజుకి కంపెనీ నవంబర్ 11న ఇండియన్ మార్కెట్లో మారుతి డిజైర్ కారును లాంఛ్ చేసింది. ఈ కారు మొత్తం 7 రంగుల్లో, 4 వేరియంట్లలో లభిస్తుంది.
ఈ సబ్-ఫోర్-మీటర్ సెడాన్ కారు సేఫ్టీపరంగా GNCAP 5 స్టార్ రేటింగ్ పొందింది. కనుక ఫ్యామిలీ కోసం మంచి కారు కొనాలని అనుకునేవారికి ఇది బెస్ట్ ఆప్షన్ అవుతుంది.
ఈ మారుతి డిజైర్ కారులో 1.2 లీటర్ జెడ్-సిరీస్ పెట్రోల్ ఇంజిన్ అమర్చారు. ఇది 80 bhp పవర్, 112 Nm టార్క్ జనరేట్ చేస్తుంది. ఈ కారు 5-స్పీడ్ మాన్యువల్, ఏఎంటీ గేర్ బాక్స్ అనుసంధానంతో పనిచేస్తుంది. ఈ కారు సీఎన్జీ వెర్షన్లోనూ అందుబాటులో ఉంది. ఈ డిజైర్ సీఎన్జీ కారు 68 bhp పవర్, 102 Nm టార్క్ జనరేట్ చేస్తుంది.
ఈ డిజైర్ కారులో ముందు భాగంలో ఫ్రెష్ గ్రిల్, హారిజాంటెల్ స్లేట్స్, హెడ్ ల్యాంప్స్ ఏర్పాటు చేశారు. అలాగే కారు ముందు, వెనుక భాగాల్లో బంపర్స్, డ్యూయెల్-టోన్ అల్లాయ్ వీల్స్ అమర్చారు. దీనిలో షార్క్-ఫిన్ యాంటెన్నా కూడా ఉంటుంది.
డిజైర్ ఇంటీరియర్ విషయానికి వస్తే, దీనిలో ఎలక్ట్రిక్ సన్రూఫ్ ఉంటుంది. ఈ సెగ్మెంట్లో ఎలక్ట్రిక్ సన్రూఫ్ తేవడం ఇదే మొదటిసారి కావడం గమనార్హం. అలాగే ఈ కారులో 9 అంగుళాల టచ్స్క్రీన్ ఇన్ఫోటైన్మెంట్ సిస్టమ్, ఫ్లాట్-బోటమ్ స్టీరింగ్ వీల్, 360-డిగ్రీ కెమెరా, క్రూయిజ్ కంట్రోల్, రియర్ ఏసీ వెంట్స్, ఆటోమేటిక్ క్లైమేట్ కంట్రోల్ ఉన్నాయి.
మారుతి సుజికి డిజైర్ (ఓల్డ్ మోడల్) 25.7 కి.మీ/లీటర్ మైలేజ్ ఇస్తుంది. మరి లేటెస్ట్ మోడల్ ఎంత మైలేజ్ ఇస్తుందో చూడాలి.
Maruti Dzire Price : మార్కెట్లో ఈ మారుతి సుజుకి డిజైర్ కారు ధర రూ.6.79 లక్షలు - రూ.10.14 లక్షలు (ఎక్స్-షోరూం) వరకు ఉంటుంది.
2. Honda Amaze : ప్రస్తుతం మార్కెట్లో మారుతి డిజైర్కు గట్టిపోటీదారుగా హోండా అమేజ్ కారు ఉంది. డిసెంబర్లో హోండా అమేజ్ లేటెస్ట్ వెర్షన్ కూడా లాంఛ్ అయ్యే అవకాశం ఉంది.
హోండా అమేజ్ కారులో 1199 సీసీ పెట్రోల్ ఇంజిన్ ఉంటుంది. ఇది 88.5 bhp పవర్, 110 Nm టార్క్ జనరేట్ చేస్తుంది. ఇది మాన్యువల్, ఆటోమేటిక్ ట్రాన్స్మిషన్ అనుసంధానంతో పనిచేస్తుంది. ఈ కారు 18.3 - 18.6 కి.మీ/లీటర్ మైలేజ్ ఇస్తుంది. ఈ కారు మొత్తం 11 వేరియంట్లలో, 5 భిన్నమైన రంగుల్లో లభిస్తుంది. ఈ కారులో 420 లీటర్స్ బూట్ స్పేస్ ఉంటుంది. కనుక కాస్త ఎక్కువ లగేజ్ను కూడా సులువుగా పట్టుకెళ్లవచ్చు.
ఈ హోండా అమేజ్ కారులో 7-అంగుళాల టచ్స్క్రీన్ ఇన్ఫోటైన్మెంట్ సిస్టమ్, ఆటో ఏసీ, క్రూయిజ్ కంట్రోల్, పెడల్ షిఫ్టర్స్ (CVT వేరియంట్లలో) ఉంటాయి. ఇక సేఫ్టీ పరంగా చూస్తే, ఈ కారులో డ్యూయెల్ ఫ్రంట్ ఎయిర్బ్యాగ్స్, ఏబీఎస్ విత్ ఈబీడీ, రియర్ పార్కింగ్ సెన్సార్స్, సీట్ బెల్ట్ రిమైండర్స, ఛైల్డ్ సీట్ యాంకర్, రియర్ వ్యూ కెమెరా ఉంటాయి.
Honda Amaze Price : మార్కెట్లో ఈ హోండా అమేజ్ కారు ధర సుమారుగా రూ.7.20 లక్షలు - రూ.9.96 లక్షల వరకు ఉంటుంది.
3. Hyundai Aura : ఇండియన్ మార్కెట్లో మారుతి డిజైర్కు పోటీగా ఉన్న మరో బెస్ట్ కారు హ్యుందాయ్ ఆరా. ఈ కారులో 1.2 లీటర్ పెట్రోల్ ఇంజిన్ ఉంటుంది. ఇది 82 bhp పవర్, 113.8 Nm టార్క్ జనరేట్ చేస్తుంది. ఇది 5-స్పీడ్ మాన్యువల్, ఆటోమేటిక్ గేర్ బాక్స్ అనుసంధానంతో పనిచేస్తుంది. ఈ కారు 19.4 - 20 కి.మీ/లీటర్ మైలేజ్ ఇస్తుంది. దీనిలో స్టాండర్డ్గా 6 ఎయిర్బ్యాగ్లు, ఏబీఎస్ విత్ ఈబీడీ, త్రీ-పాయింట్స్ సీట్ బెల్ట్స్, రిమైండర్స్, రియర్ పార్కింగ్ సెన్సార్స్, ఎమెర్జెన్సీ స్టాప్ సిగ్నల్ ఉంటాయి. అయితే దీనికి NCAP సేఫ్టీ రేటింగ్ లేకపోవడం గమనార్హం. ఈ కారు 8 వేరియంట్లలో, 6 రంగుల్లో లభిస్తుంది.
Hyundai Aura Price : మార్కెట్లో ఈ హ్యుందాయ్ ఆరా కారు ధర రూ.6.49 లక్షలు - రూ.9.05 లక్షల వరకు ఉంటుంది.
4. Tata Tigor : ఈ టాటా టిగోర్ కారు ఒక ఎంట్రీ లెవెల్ సెడాన్ కారు. ఇది పెట్రోల్, సీఎన్జీ వేరియంట్లలో లభిస్తుంది. దీనిలో ఈవీ వెర్షన్ కూడా ఉంది. ఈ టిగోర్ కారులో 1199 సీసీ ఇంజిన్ ఉంటుంది. ఇది 72.41 - 84.48 bhp పవర్, 95 - 113 Nm టార్క్ జనరేట్ చేస్తుంది. ఈ కారు 19.28 - 19.16 కి.మీ/లీటర్ మైలేజ్ ఇస్తుంది. ఇది ఆటోమేటిక్, మాన్యువల్ ట్రాన్స్మిషన్ అనుసంధానంతో పనిచేస్తుంది. ఈ కారు 4 వేరియంట్లలో, 5 ఎక్స్టీరియర్ కలర్స్లో లభిస్తుంది.
ఈ కారుకు గ్లోబల్ NCAP 4-స్టార్ రేటింగ్ ఉంది. దీనిలో డ్యూయెల్ ఫ్రంట్ ఎయిర్బ్యాగ్స్, ఏబీఎస్ విత్ ఈబీడీ, రియర్ పార్కింగ్ కెమెరా, రెయిన్-సెన్సింగ్ వైపర్స్, టైర్ ప్రెజర్ మానిటరింగ్ సిస్టమ్, చైల్డ్ సీట్ యాంకరేజెస్, రియర్ పార్కింగ్ సెన్సార్స్ ఉంటాయి.
Tata Tigor Price : మార్కెట్లో ఈ టాటా టిగోర్ కారు ధర సుమారుగా రూ.6 లక్షలు - రూ.9.40 లక్షల వరకు ఉంటుంది.
మీ ఫ్యామిలీ కోసం మంచి కారు కొనాలా? రూ.10 లక్షల బడ్జెట్లోని టాప్-9 మోడల్స్ ఇవే!
మొదటిసారి కారు కొంటున్నారా?- నో టెన్షన్ గురూ.. వీటితో ఫుల్ క్లారిటీ!
