Credit Score Tips And Tricks : ఒక వ్యక్తి తాను తీసుకున్న లోన్ను ఎలా తీరుస్తున్నారు అనేది తెలియజేసేది క్రెడిట్ స్కోరు. లోన్ చెల్లింపు వాయిదాలు సకాలంలో చెల్లించకపోయినా, కార్డు బిల్లు తీర్చకపోయినట్లయితే క్రెడిట్ స్కోర్పై ప్రతికూల ప్రభావం చూపిస్తుంది. అయితే చాలా మందికి ఈ క్రెడిట్ స్కోరు, క్రెడిట్ హిస్టరీ గురించి కొన్ని సందేహాలుంటాయి. వీటన్నింటి గురించి పూర్తిగా తెలుసుకుంటే తప్ప కొత్త లోన్లను తీసుకోవడం అంత సులువు కాదు.
క్రెడిట్ చరిత్ర
ఆర్థిక విషయాల్లో క్రమశిక్షణ అతి ముఖ్యం. ప్రధానంగా తీసుకున్న లోన్ను క్రమం తప్పకుండా తీర్చాలి. ఇది రుణగ్రహీతల ప్రధాన బాధ్యత. ప్రతి రుణ గ్రహీతకు సంబంధించిన సమాచారాన్ని రుణదాతలు క్రెడిట్ బ్యూరోల వద్ద నమోదు చేస్తుంటారు. వారి ప్రతి అంశాన్నీ క్రెడిట్ హిస్టరీలో పేర్కొంటారు. కొత్తగా లోన్ కావాలని దరఖాస్తు చేసినప్పుడు, ఆ వ్యక్తి గురించి పూర్తి సమాచారమంతా ఒక్క చోటే లభించేలా ఈ నివేదికలు ఉంటాయి. రుణం ఇవ్వాలా? వద్దా? అనేది ఇక్కడే సగం నిర్ణయం అవుతుంది.
క్రెడిట్ స్కోరును ఈ విధంగా తెలుసుకోండి
రుణ గ్రహీతలు తమ క్రెడిట్ స్కోరును తెలుసుకుంటూ ఉండాలి. దీనివల్ల మీ క్రెడిట్ స్కోరు, రుణ చరిత్రపై ఎలాంటి ప్రభావం ఉండదు. సిబిల్ వంటి పేరుపొందిన, విశ్వసనీయమైన క్రెడిట్ బ్యూరోల నుంచి ఏడాదికోసారి ఉచితంగానే పూర్తి నివేదికను పొందవచ్చు. ఇప్పుడు చాలా ఆన్‌లైన్‌ వెబ్‌సైట్లు ఈ క్రెడిట్ హిస్టరీలను అందిస్తున్నాయి. మీరు స్వయంగా క్రెడిట్ స్కోరును తనిఖీ చేసుకున్నప్పుడు ఎలాంటి ఇబ్బందీ ఉండదు. కానీ, రుణదాత మీ క్రెడిట్ స్కోరును తనిఖీ చేస్తే కొంచెం ఇబ్బందే. మీరు లోన్ కోసం దరఖాస్తు చేసినట్లు నమోదవుతుంది. కొత్తగా లోన్ తీసుబోయే ముందు మీరే సొంతంగా నివేదికను పరిశీలించడం ఉత్తమం.
- సకాలంలో చెల్లించారా అన్న విషయమే కీలకం
మీకు ఎంత ఆదాయం వస్తుందనే సంగతిని క్రెడిట్ బ్యూరోలు పట్టించుకోవు. కేవలం మీరు తీసుకున్న లోన్లు వాటిని సకాలంలో చెల్లించారా లేదా అన్న విషయం ఆధారంగానే క్రెడిట్ స్కోర్ను లెక్కిస్తాయి. క్రెడిట్ చెల్లింపులు సకాలంలో ఉంటే స్కోరు బాగుంటుంది. - క్రెడిట్ స్కోర్ ఎలా లెక్కిస్తారు?
క్రెడిట్ స్కోరును ఒక వ్యక్తి పాన్ ఆధారంగా లెక్కిస్తారు. కాబట్టి, ఈ స్కోరు వ్యక్తిగతంగా ఉంటుంది. కుటుంబ సభ్యుల లోన్లతో సంబంధం
ఉండదు. కాకపోతే వేరొకరి లోన్కు హామీ ఉన్నా, కో అప్లికెంట్గా ఉన్నా మీరూ రుణం తీసుకున్నట్లే. ఆ లోన్ను తిరిగి చెల్లించాల్సిన బాధ్యతను మీరు పంచుకున్నట్లే. వాస్తవంగా లోన్ తీసుకున్న వ్యక్తి ఆయా వాయిదాలలో సరిగా చెల్లించకపోతే ఆ బాధ్యత మీపై పడుతుంది. మీరూ బాకీలను చెల్లించడంలో విఫలమైనట్లయితే క్రెడిట్ స్కోరుపై ప్రభావం పడుతుంది. - మంచి క్రెడిట్ స్కోర్ అంటే?
రుణం తీసుకోకుంటే ఏ ఇబ్బందులూ రావు కదా అని అనుకోవచ్చు. అది నిజమే అయినప్పటికీ మీకు లోన్ తీసుకోవాల్సిన అవసరం రాకపోవడం మంచి విషయమే. కానీ, జీవితంలో వివిధ లక్ష్యాల సాధనలో, అనుకోని సందర్భాల్లో రుణాల అవసరం తప్పకపోవచ్చు. ఇల్లు, కారు కొనుగోలు, పిల్లల చదువు కోసం ఎడ్యుకేషన్ లోన్ ఇందులో ఉంటాయి. మంచి క్రెడిట్ స్కోరు అంటే 750 మించి ఉంటే వడ్డీ రేట్లలో రాయితీలూ పొందే అవకాశం కూడా ఉంటుంది. స్కోరు లేకుంటే అధికంగా రేట్లను చెల్లించాల్సి రావచ్చు. - ఆలస్యంగా చెల్లిస్తే
ఒక నెల ఆలస్యంగా క్రెడిట్ కార్డు బిల్లును చెల్లిస్తే అది మీ స్కోరులో 100 పాయింట్లను తగ్గించే అవకాశముంది. కోల్పోయిన ఈ పాయింట్లను పొందడానికి కొన్ని నెలలు పట్టొచ్చు. ఈ కాలంలో మీరు లోన్ కోసం దరఖాస్తు చేసుకుంటే తిరస్కరణ ఎదురయ్యే అవకాశం ఉంది. లేదా ఎక్కువ వడ్డీ రేటు చెల్లించాల్సి వస్తుంది. గడువు తేదీలోగా చెల్లించడం చాలా కీలకమైన అంశం. - లోన్ తీసుకోకుంటే
లోన్ తీసుకోకపోతే ఎలాంటి క్రెడిట్ స్కోరూ ఉండదు. కనుక, క్రెడిట్ హిస్టరీని గమనించాల్సిన అవసరం లేదు అనుకుంటారు. ఎంతోమంది అనధికార లోన్ మోసాల బారిన పడిన సంగతి చూస్తూనే ఉంటాం. మన ధ్రువీకరణలతో ఎవరైనా రుణం పొందారా? అనే విషయం తెలుసుకునే ప్రయత్నం చేయాలి. కనీసం ఏడాదికోసారైనా మీ క్రెడిట్ నివేదిక వివరాలు పరిశీలించాలి.
పర్ఫెక్ట్ క్రెడిట్ స్కోర్ ఉండాలా?- అయితే ఈ తప్పులు చేయొద్దు!
మీ క్రెడిట్ స్కోర్ తెలుసుకోవాలా? పాన్ కార్డ్తో సింపుల్గా చెక్ చేసుకోండిలా!
