Sister Pregnant By Brother in Karnataka : పోర్న్ వీడియోలను చూసి సొంత సోదరితోనే లైంగిక సంబంధం పెట్టుకున్నాడు 14 ఏళ్ల బాలుడు. ఈ క్రమంలో బాలిక గర్భవతి కావడం వల్ల అసలు విషయం బయటపడింది. ఈ ఘటన కర్ణాటకలోని బెంగళూరులో జరిగింది.
అసలేం జరిగిందంటే?
బెంగళూరులో 14 ఏళ్ల కవల సోదరుడు, సోదరి తమ తల్లిదండ్రులతో కలిసి నివసిస్తున్నారు. తల్లిదండ్రులు ఇంట్లో లేని సమయంలో ఇద్దరూ కలిసి పోర్న్ వీడియోలు చూస్తూ శృంగారంలో పాల్గొనేవారు. ఈ క్రమంలో బాలిక గర్భం దాల్చింది. అయితే, బాలిక శరీరంలో మార్పులను గమనించిన ఆమె తల్లిదండ్రులు, ఓ ప్రైవేట్ ఆస్పత్రికి తీసుకెళ్లి వైద్య పరీక్షలు చేయించగా అసలు విషయం బయటపడింది. బాలిక మూడు నెలల గర్భిణి అని తేలింది. ఆస్పత్రి వైద్యుడు వెంటనే పోలీస్ స్టేషన్‌కు సమాచారం అందించారు. పోలీసులు కేసు నమోదు చేసి బాలుడిని అదుపులోకి తీసుకుని జువైనల్ సెంటర్‌కు తరలించారు. బాలికకు చికిత్స అందిస్తున్నట్లు పోలీసులు తెలిపారు.
ఎస్యూవీలో బాలికపై గ్యాంగ్ రేప్
మధ్యప్రదేశ్‌లోని జబల్‌పుర్ జిల్లాలో 14 ఏళ్ల బాలికపై ముగ్గురు వ్యక్తులు కలిసి ఎస్యూవీలో సామూహిక అత్యాచారానికి పాల్పడ్డారు. ఈ ఘటనపై కేసు నమోదు చేసుకున్న పోలీసులు, ముగ్గురు నిందితులను అరెస్ట్ చేశారు. నిందితుల్లో ఒకరు బాధితురాలికి తెలుసని పోలీసులు తెలిపారు.
పోలీసులు తెలిపిన వివరాల ప్రకారం, శుభమ్ రజక్(20) అనే యువకుడితో బాధితురాలికి గతేడాది కాలంగా పరిచయం ఉంది. శుక్రవారం రజక్ ఎస్యూవీ కారులో తనతో పాటు బాధితురాలిని తీసుకెళ్లాడు. ఆ తర్వాత అతడి ఇద్దరి స్నేహితులతో కలిసి బాధితురాలిపై కారులోనే అత్యాచారానికి పాల్పడ్డాడు. అనంతరం బాధితురాలిని ఆమె ఇంటి ముందు వదిలేసి అక్కడి నుంచి పరారయ్యారు. తనపై జరిగిన దారుణాన్ని బాధితురాలు తన తల్లిదండ్రులకు చెప్పింది. ఈ క్రమంలో వారు తిల్వారా పోలీస్ స్టేషన్‌లో నిందితులపై ఫిర్యాదు చేశారు. పోలీసులు నిందితులపై కేసు నమోదు చేసుకుని అరెస్ట్ చేశారు. కాగా, రజక్‌పై ఇప్పటికే ఐదు క్రిమినల్ కేసులు నమోదయ్యాయని పోలీసుల ప్రాథమిక విచారణలో తేలింది.
'ఒంటరి'ని చేసిన రోడ్డు ప్రమాదం- 10మంది కుటుంబ సభ్యులను కోల్పోయి ఏకాకి! - Chhattisgarh Road Accident
