How To Make Amritsar Chicken Masala : ఇంట్లోకి చికెన్ తీసుకువస్తే.. ఎప్పుడూ పులుసు, ఫ్రై, బిర్యానీ వంటివి చేసుకోవడం మామూలే. నిత్యం ఇవే రెసిపీలు తింటే బోర్ అనిపిస్తుంది. అందుకే.. మీకోసం సరికొత్త వంటకాన్ని తీసుకొచ్చాం. అదే అమృత్ సరి చికెన్ మసాలా కర్రీ. ఈ పంజాబీ స్టైల్ రెసిపీ చాలా తక్కువ టైమ్లోనే చేసేయొచ్చు. టేస్ట్ మాత్రం అస్సలు మర్చిపోరు. అంత బాగుంటుదీ కర్రీ టేస్ట్. మరి ఈ కర్రీని ఎలా వండాలో ఇప్పుడు చూద్దాం.
అమృత్ సరి చికెన్ మసాలా :
- చికెన్ అరకిలో
- బటర్- 3 టేబుల్స్పూన్లు
- పెరుగు -పావు కప్పు
- పసుపు -టీస్పూన్
- అల్లం వెల్లులి పేస్ట్-టేబుల్స్పూన్
- ధనియాలపొడి - టీస్పూన్
- జీలకర్ర పొడి- టీస్పూన్
- గరంమసాలా-టీస్పూన్
- టమాటాలు-3
- ఉల్లిపాయలు-2
- ఆవాల నూనె- 2 టేబుల్స్పూన్
- ఉప్పు-రుచికి సరిపడా
- కారం- 2 టేబుల్స్పూన్
- కసూరిమేతి-టేబుల్స్పూన్
తయారీ విధానం :
- ముందుగా స్టౌ పై పాన్ పెట్టి కొద్దిగా ఆవాల నూనె వేసి చికెన్ వేపుకోవాలి. తర్వాత ఉప్పు, అల్లం వెల్లుల్లి పేస్ట్, కొద్దిగా కారం, పసుపు వేసి 10 నిమిషాలు చికెన్ ఉడికించుకోవాలి. తర్వాత చికెన్ ముక్కలను తీసి పక్కన పెట్టుకోవాలి. మీకు పంజాబీ స్టైల్ చికెన్ రెసిపీ రుచి రావాలంటే.. ఈ కర్రీకి కచ్చితంగా ఆవాల నూనెను మాత్రమే వాడాలి.
- ఉడికించుకున్న ముక్కలను ఒక బౌల్కి తీసుకుని అందులో పెరుగు, కారం, పసుపు, గరం మసాలా, ఉప్పు, అల్లం వెల్లుల్లి పేస్ట్, కసూరి మేతి, ధనియాల పొడి, జీలకర్ర పొడి వేసుకుని బాగా కలుపుకుని పక్కన పెట్టుకోవాలి.
- తర్వాత అదే పాన్లో ఉల్లిపాయ, టమాటా ముక్కలు వేసి మెత్తగా ఉడికించుకోవాలి. ఇవి పూర్తిగా చల్లారిన తర్వాత మిక్సీ జార్లో వేసుకుని గ్రైండ్ చేసుకోవాలి.
- ఇప్పుడు అదే పాన్లో కొద్దిగా ఆవాల నూనె వేసి.. కారం, మసాలాలతో మ్యారినేట్ చేసుకున్న చికెన్ వేసి వేపుకోవాలి. తర్వాత మూత పెట్టి కొద్దిసేపు ఉడికించుకోవాలి.
- ఇప్పుడు టమాటా, ఉల్లిపాయల పేస్ట్ని చికెన్లో మిక్స్ చేయాలి. అలాగే పెరుగు వేసుకుని బాగా కలుపుకోవాలి.
- తర్వాత గ్రేవికి సరిపడా కారం, గరం మసాలా, ధనియాల పొడి, జీలకర్ర పొడి, రుచికి సరిపడా ఉప్పు వేసుకుని కలుపుకోవాలి.
- ఇందులో బటర్, కొద్దిగా కసూరి మేతి వేసుకుని రెండు నిమిషాలు ఉడికించుకుంటే సరిపోతుంది. తర్వాత కొద్దిగా కొత్తిమీర చల్లుకుని సర్వ్ చేసుకుంటే అద్దిరిపోయే పంజాబీ స్టైల్ చికెన్ మసాలా కర్రీ మీ కళ్ల ముందు ఉంటుంది.
- నచ్చితే మీరు కూడా ఈ సరికొత్త రెసిపీని ట్రై చేయండి.
ఇవి కూడా చదవండి :
ఘాటు తక్కువ, ఘుమాయింపు ఎక్కువ - "రెస్టారెంట్ స్టైల్ బటర్ చికెన్" - ఇలా ఈజీగా ప్రిపేర్ చేసుకోండి!
రెస్టారెంట్ స్టైల్ అపోలో చికెన్ రెసిపీ - ఈ వర్షాకాలంలో రుచి చూడాల్సిందే గురూ!
