గోంగూర రొయ్యల కర్రీ - ఈ టిప్స్​ పాటిస్తూ చేస్తే టేస్ట్​ సూపర్​ హిట్​! - How to Prepare Gongura Prawns Curry

Gongura Prawns Recipe : చాలా మందికి రొయ్యలతో చేసిన వంటలంటే ఇష్టం. అయితే వాటితో వెరైటీలు చేయడం రాక.. ఏదో ఒక మసాలాలు వేసి కూర చేస్తుంటారు. అయితే ఈసారి అలా కాకుండా గోంగూర రొయ్యల కర్రీ చేయండి. టేస్ట్​ అద్దిరిపోతుంది. చేయడం రాదంటారా..? అయితే ఈ స్టోరీపై ఓ లుక్కేయండి.

How to Prepare Gongura Prawns Curry : చాలా మంది చేపల కూరను ఈజీగా వండేస్తారు. కానీ ప్రాన్స్(రొయ్యల) విషయానికొస్తే కాస్త వెనకడుగు వేస్తారు. మనవల్ల కాదులే అని కొందరు.. టేస్ట్​ సరిగ్గా కుదరదని ఇంకొందరు భావిస్తుంటారు. అందుకే రొయ్యలతో వెరైటీ వంటలు ఉన్నా అవి చేయడం రాక.. ఏదో ఒక మసాలాలు వేసి మామూలు కూర చేస్తుంటారు. ఇకపై అలాంటి వారు, బ్యాచిలర్స్, మొదటిసారి చేసే వారు కూడా ఈ టిప్స్​ ఫాలో అవుతూ చేస్తే.. పుల్ల పుల్లగా నోరూరించే గోంగూర రొయ్యల కర్రీని చాలా సింపుల్​గా ఇంట్లోనే తయారుచేసుకోవచ్చు. మరి, లేట్​ చేయకుండా ఈ కర్రీ చేయడానికి కావాల్సిన పదార్థాలు, తయారీ విధానం ఏంటో చూసి.. ఇంట్లోనే ప్రిపేర్​ చేసి లొట్టలేసుకుంటూ లాగించండి.

గోంగూర రొయ్యల కర్రీ ప్రిపేర్‌ చేయడానికి కావాల్సిన పదార్ధాలు :

• శుభ్రం చేసిన రొయ్యలు- పావు కేజీ
• నూనె- సరిపడినంత
• ఉప్పు - సరిపడినంత
• దాల్చిన చెక్క - కొద్దిగా
• లవంగాలు- 4
• యాలకులు-4
• బిర్యానీ ఆకు
• జీలకర్ర- టీస్పూన్‌
• కరివేపాకు రెమ్మలు-2
• పచ్చిమిర్చి -4
• ఉల్లిపాయలు-2 (సన్నగా కట్‌ చేసుకోవాలి)
• అల్లం వెల్లులి పేస్ట్- టేబుల్‌ స్పూన్‌
• టమాటలు- ఒకటి
• పసుపు- టీస్పూన్‌
• కారం- రుచికి సరిపడా
• ధనియాల పొడి- టీస్పూన్‌
• వేయించిన జీలకర్ర పొడి- టీస్పూన్‌
• గరం మసాలా-టీస్పూన్‌
• గోంగూర ఆకులు- పావు కేజీ
• నీళ్లు- సరిపడినన్నీ
• కొత్తిమీర తరుగు - కొద్దిగా

గోంగూర రొయ్యల కర్రీ తయారీ విధానం :

• ముందుగా స్టవ్​ ఆన్​ చేసి పాన్‌ పెట్టి కొద్దిగా ఆయిల్‌ వేసి.. వేడెక్కాక పచ్చి రొయ్యలు, కొద్దిగా ఉప్పు, పసుపు వేసి రొయ్యలలో నీరు పోయేదాకా ఫ్రై చేసి పక్కన పెట్టుకోవాలి.
• ఆ తర్వాత ఇదే పాన్‌లో ఇంకా కొద్దిగా ఆయిల్‌ వేసి.. దాల్చిన చెక్క, లవంగాలు, యాలకులు, బిర్యానీ ఆకు, జీలకర్ర వేసి వేయించుకోవాలి.
• ఇప్పుడు పచ్చిమిర్చి, కొద్దిగా ఉప్పు, ఉల్లిపాయ ముక్కలను వేసి గోల్డెన్‌ బ్రౌన్‌ కలర్‌ వచ్చేంత వరకు ఫ్రై చేయండి.
• అలాగే అల్లం వెల్లుల్లి పేస్ట్‌, టమాట ముక్కలను వేసి కలపండి. తర్వాత పసుపు, కారం, ధనియాల పొడి, జీలకర్ర పొడి వేయించుకోవాలి.
• ఆ తర్వాత కొన్ని నీళ్లు పోసి ఉడికించుకోవాలి. ఈ మిశ్రమంలోకి బాగా కడిగిన గోంగూర ఆకులు వేసి 5 నిమిషాలు ఉడికించండి.
• తర్వాత రొయ్యలను వేసి, కొన్ని నీళ్లు యాడ్‌ చేసుకుని 10 - 15 నిమిషాలు సన్నని మంట మీద ఉడికించుకోండి.
• ఇలా ఉడికించుకోవడం వల్ల రొయ్యలకు కారం, ఉప్పు, మసాలాల రుచి బాగా పడుతుంది.
• కర్రీని దింపేసుకునే ముందు కొద్దిగా సన్నని కొత్తిమీర తరుగు, కరివేపాకు, గరం మసాలా వేసుకుని కలుపుకుని పక్కన పెట్టుకుంటే.. ఎంతో రుచికరమైన గోంగూర రొయ్యల కర్రీ రెడీ.
• నచ్చితే మీరు కూడా ఈ రెసిపీ ట్రై చేయండి. రైస్​లోకి​ మాత్రమే కాదు.. చపాతీ, పరాటా.. ఇలా ఎందులోకైనా అద్దిరిపోద్ది.