மடிக்கணினி கேட்டு வகுப்புகளைப் புறக்கணித்து மாணவர்கள் போராட்டம்

சிவகங்கை: காரைக்குடியில் அமைந்துள்ள அழகப்பா தொழில்நுட்பக் கல்லூரியின் இரண்டாம், மூன்றாம் ஆண்டு மாணவர்கள் மடிக்கணினி வழங்கக் கோரி வகுப்புகளைப் புறக்கணித்து கல்லூரி வாயில் முன்பு அமர்ந்து போராட்டத்தில் ஈடுபட்டனர். இதனையடுத்து காவல் துணை கண்காணிப்பாளர் அருண், வட்டாட்சியர் பாலாஜி ஆகியோர் சமாதான பேச்சுவார்த்தை நடத்தியதைத் தொடர்ந்து மாணவர்கள் போராட்டத்தைக் கைவிட்டனர்.