Video: நாயின் உயிரை காப்பாற்ற ரத்த தானம் செய்த மற்றொரு நாய்

ரத்த தானம் அனைத்து தானங்களிலும் சிறந்தது என்று கூறலாம். இதுவரை, மனிதர்கள் ஒருவருக்கொருவர் ரத்த தானம் செய்வதைதான் பார்த்துள்ளோம். ஆனால், குஜராத்தில் ஒரு நாய் மற்றொரு நாய்க்கு, ரத்த தானம் செய்து அதன் உயிரைக் காப்பாற்றியுள்ளது. குஜராத் வதோதராவைச் சேர்ந்த நாய் பிரியரான ஸ்வேதா துபே என்பவர் தனது வீட்டில் 23 நாய்களை வளர்த்து வருகிறார். இதில், ஸ்வேதாவின் டெய்ஸி என்ற நாய் நேற்று (ஜூலை 7) ரத்த தானம் செய்து, மற்றொரு நாயின் உயிரைக் காப்பாற்றியுள்ளது. மேலும், வதோதரா உள்பட குஜராத் முழுவதும் நாய்களுக்கு என பிரத்யேக ரத்த வங்கிகள் செயல்பட வேண்டும் என ஸ்வேதா தனது விருப்பத்தை தெரிவித்துள்ளார்.