வெப்பநிலைமானியை வெறுமனே வைத்து எடுக்கும் காணொலி!

தமிழ்நாட்டில் நகர்ப்புற உள்ளாட்சித் தேர்தல் வாக்குப்பதிவு இன்று (பிப்ரவரி 19) காலை முதல் தொடங்கி நடைபெற்றுவருகிறது. கோயம்புத்தூரில் வாக்குச்சாவடிகளுக்கு வரும் வாக்காளர்களுக்கு உடல் வெப்பநிலை பரிசோதிக்கப்பட்ட பின்னரே வாக்களிக்க அனுமதிக்கப்படுகின்றனர். இந்நிலையில் சின்னவேடம்பட்டி பகுதியில் உள்ள அரசு நடுநிலைப்பள்ளியில் அமைக்கப்பட்டுள்ள வாக்குச்சாவடியில் பணியாளர் ஒருவர் வெப்பநிலைமானியைப் பயன்படுத்தத் தெரியாமல் உபயோகிக்கும் காணொலி சமூக வலைதளங்களில் வைரலாகிவருகின்றது. அதில், உயர் அலுவலர் எவ்வாறு அதனைக் கணக்கிட வேண்டும் எனக் கூறவில்லை எனவும் வெறுமனே வைத்து எடுத்தால் போதுமெனக் கூறியுள்ளதாகவும் பணியாளர் தெரிவிக்கின்றார்.