விருதுநகர் மாவட்டம் ராஜபாளையம் சேத்தூர் சேவுக பாண்டிய அரசு மேல்நிலைப் பள்ளியில் உள்ளாட்சித் தேர்தலில் பதிவான வாக்குகள் எண்ணும் பணி இன்று காலை 11.30 மணியளவில் காலதாமதத்துடன் தொடங்கியது. இந்தப்பகுதியில் வெற்றி பெற்றவர்களுடைய நிலவரம் சரியாக அறிவிக்கப்படவில்லை.
ஆகையால் வாக்கு எண்ணும் மையத்துக்குள் ராஜபாளையம் திமுக சட்டப்பேரவை உறுப்பினர் தங்கபாண்டியன் மற்றும் தென்காசி மக்களவை உறுப்பினர் தனுஷ்குமார் ஆகியோர் உள்ளே நுழைந்தனர். இவர்களின் இந்தச் செயலுக்கு எதிர்ப்பு தெரிவித்து அதிமுகவினர் முழக்கங்களை எழுப்பி வாக்குவாதத்தில் ஈடுபட்டனர்.
உடனடியாக ராஜபாளையம் டிஎஸ்பி தலைமையிலான காவலர்கள் நிகழ்வு இடத்திற்கு வந்து அவர்களை வெளியேற்றினர். இதன்பின்னர், பேசிய தங்கபாண்டியன், வெற்றி பெற்ற இடங்களை அறிவிக்காமல் காலதாமதம் செய்வதாகக் குற்றஞ்சாட்டினார். இதனால் அப்பகுதியில் பரபரப்பு ஏற்பட்டது.
இதையும் படிங்க: ஈரோட்டில் குலுக்கல் முறையில் வெற்றியாளர் தேர்வு!
