விழுப்புரம் மாவட்டத்தில் 3,227 வாக்குச் சாவடிகள் அமைக்கப்பட்டு நேற்று மாலை 6 மணி வரை வாக்குப்பதிவு நடைபெற்றது. இதனையடுத்து வாக்குப்பதிவு இயந்திரங்கள் தேர்தல் அலுவலர்களால் சீல் வைக்கப்பட்டு விழுப்புரம் அறிஞர் அண்ணா அரசு மற்றும் கலை கல்லூரி அறைகளில் தொகுதி வாரியாக பிரித்து வைக்கப்பட்டன.
வாக்குப்பதிவு இயந்திரங்களுக்கு பலத்த பாதுகாப்பு
இதையடுத்து இன்று காலை மாவட்ட ஆட்சியர் சுப்பிரமணியன், காவல் கண்காணிப்பாளர் ஜெயக்குமார், மாவட்ட வருவாய் அலுவலர் பிரியா மற்றும் விழுப்புரம் மக்களவைத் தொகுதியில் போட்டியிட்ட வேட்பாளர்கள், அரசியல் கட்சி நிர்வாகிகள் முன்னிலையில் வாக்குப்பதிவு இயந்திரங்கள் இருந்த அறைக்கு அதிகாரிகள் சீல் வைத்தனர்.
தொடர்ந்து வாக்குப்பெட்டி வைக்கப்பட்டுள்ள மையத்தில் 3 அடுக்கு போலீஸ் பாதுகாப்பு போடப்பட்டுள்ளது குறிப்பிடத்தக்கது.
