திருப்பத்தூர் மாவட்டம் அனேரியில் உள்ள ஊராட்சி ஒன்றிய நடுநிலைப் பள்ளியில் சுமார் 116 மாணவ, மாணவிகள் பயின்று வருகின்றனர். இந்த பள்ளியின் மேற்கூரையில் பாம்பு சென்றதாக மாணவர்கள் நேற்று ஆசிரியரிடம் தெரிவித்துள்ளனர்.
அதனடிப்படையில் வனத்துறைக்கும் தீயணைப்பு துறைக்கும் தகவல் கொடுக்கப்பட்டது. ஆனால், யாரும் வரவில்லை. இதனிடையே தகவலறிந்து பள்ளிக்கு விரைந்த பெற்றோர், மாணவர்களை பள்ளி வளாகத்தில் அமர்ந்து போராட்டத்தில் ஈடுபட்டனர்.
அப்போது அவர்கள் தரமற்ற கட்டடங்களை சீரமைக்குமாறு கோரிக்கை வைத்தனர். இந்த தகவலையறிந்த மாவட்ட ஆட்சியர் அமர் குஷ்வாஹா பள்ளியில் ஆய்வு மேற்கொண்டு, பாம்பை பிடிக்க உத்தரவிட்டார். இதையடுத்து பெற்றோர்களிடம் பேச்சுவார்த்தை நடத்தி சாமாதானம் செய்தார். இதையடுத்து மாணவர்கள் வகுப்பறைக்கு சென்றனர்.
இதையும் படிங்க:பள்ளி மாணவ மாணவிகளுக்கு விலையில்லா மிதிவண்டி வழங்கும் நிகழ்ச்சி
