தூத்துக்குடி - திருச்செந்தூர் மாநில நெடுஞ்சாலையில் அன்னம்மாள் கல்வியியல் கல்லூரி அருகே இளைஞர் ஒருவர் வெட்டுக்காயங்களுடன் இறந்துகிடந்துள்ளார். இது குறித்து தகவலறிந்த தென்பாகம் காவல் துறையினர், சம்பவ இடத்திற்கு சென்று விசாரணை மேற்கொண்டனர்.
விசாரணையில் இறந்தவர் தூத்துக்குடி சத்யா நகர் பகுதியைச் சேர்ந்த கோபி என்பது தெரியவந்தது. இதைத்தொடர்ந்து கோபியின் உடலை கைப்பற்றி தூத்துக்குடி அரசு மருத்துவக் கல்லூரி மருத்துவமனைக்கு உடற்கூறாய்வுக்காக அனுப்பிவைத்தனர்.
தூத்துக்குடியில் பயங்கரம்: நள்ளிரவில் இளைஞர் வெட்டிக் கொலை!
மேலும் இது தொடர்பாக வழக்குப்பதிவு செய்த காவல் துறையினர், கோபி எதற்காக கொலை செய்யப்பட்டார்? அவரை கொலை செய்தது யார்? என்ன காரணத்திற்காக இங்கு அழைத்துவரப்பட்டார்? என பல்வேறு கோணங்களில் விசாரணை நடத்திவருகின்றனர்.
