தூத்துக்குடி மாவட்டம் சாத்தான்குளம் தந்தை-மகன் உயிரிழந்த விவகாரத்தில் காவலர் முருகன், தாமஸ் பிரான்சிஸ், முத்து ராஜா ஆகியோர் ஜாமீன் வழங்க கோரி இரண்டாவது முறையாக உயர் நீதிமன்ற மதுரை கிளையில் மனு தாக்கல் செய்துள்ளனர்.
அதில், " சாத்தான்குளத்தில் தந்தை ஜெயராஜ், மகன் பெனிக்ஸ் உயிரிழந்த விவகாரம் தொடர்பாக கைது செய்யப்பட்டு தற்போது வரை சிறையில் இருக்கிறோம் உயர் நீதிமன்ற மதுரை கிளையின் உத்தரவின்படி சிபிசிஐடி காவல்துறையினர் வழக்கை விசாரித்த நிலையில் தற்போது சிபிஐ காவல்துறையினர் விசாரித்து வருகின்றனர்.
வழக்கு தொடர்பான ஆவணங்களை ஏற்கனவே தடய அறிவியல் துறை அதிகாரிகள் சேகரித்து விட்ட நிலையில் விசாரணையும் முடிவடைந்துள்ளது. எனக்கு ஜாமின் வழங்கும் பட்சத்தின் தலைமறைவாக மாட்டேன் என்றும், நீதிமன்ற வகுக்கு கட்டுப்பாடுகளுக்கு கட்டுப்படுவேன் என்றும் உறுதி கூறுகிறேன். ஆகவே, இந்த வழக்கில் ஜாமீன் வழங்கி உத்தரவிட வேண்டும்" என கூறியிருந்தார்.
இந்த மனு நீதிபதி பாரதிதாசன் முன்பாக விசாரணைக்கு வந்தது மனுதாரர் தரப்பில் ஆஜரான வழக்கறிஞர் கைது செய்யப்பட்டு 80 நாட்களை கடந்து விட்டது எனவே தங்களுக்கு ஜாமீன் வழங்க கோரி வாதாடினார்.
இதனை பதிவு செய்து கொண்ட நீதிபதி பாரதிதாசன், எந்த நிலையில் வழக்கு உள்ளது எப்பொழுது முடியும், இன்னும் எத்தனை நாட்கள் தேவைப்படும் என நீதிபதி கேள்வி எழுப்பினார்.
மேலும் இதுகுறித்து சிபிஐ தரப்பில் விரிவான பதில் அறிக்கை தாக்கல் செய்ய உத்தரவிட்டு வழக்கு விசாரணையை செப்டம்பர் 28ஆம் தேதிக்கு ஒத்திவைத்து உத்தரவிட்டார்.
