திருவண்ணாமலை மாவட்டத்தில் நேற்று (ஜூன் 1) வரை கரோனா நோய்த் தொற்றால் பாதிக்கப்பட்டவர்களின் எண்ணிக்கை 430ஆக இருந்தது. இன்று புதிதாக 14 பேருக்கு நோய்த் தொற்று உறுதியான நிலையில், மாவட்டத்தில் பாதிக்கப்பட்டவர்களின் எண்ணிக்கை 444ஆக உயர்ந்துள்ளது.
கரோனா நோய்த் தொற்றால் பாதிக்கப்பட்டு, மருத்துவமனையில் சிகிச்சைப் பெற்று குணமடைந்து வீடு திரும்பியவர்களின் எண்ணிக்கை 145ஆக உள்ளது. சென்னையிலிருந்து வந்த ஒருவர், கர்நாடகாவில் இருந்து வந்த 5 பேர், உள்ளூரில் தொற்று ஏற்பட்ட இருவர் மற்றும் மருத்துவ பணியாளர்கள் இருவர் உள்ளிட்ட 14 பேருக்கு இன்று மட்டும் கரோனா நோய்த் தொற்று உறுதி செய்யப்பட்டுள்ளது.
தமிழ்நாட்டில் மாவட்டம் வாரியாக கரோனா நோய்த் தொற்று அதிகம் பாதிக்கப்பட்டவர்களின் பட்டியலில் சென்னை முதலிடத்திலும், இரண்டாவது இடத்தில் செங்கல்பட்டும், மூன்றாவது இடத்தில் திருவண்ணாமலையும் உள்ளது.
