திருவாரூரில் வாக்களிப்பதன் அவசியத்தை உணர்த்தும் விழிப்புணர்வு பேரணி

திருவாரூர்: வாக்களிப்பதன் அவசியத்தை வலியுறுத்தி பள்ளி மாணவ-மாணவியர் கலந்துகொண்ட விழிப்புணர்வு பேரணியை புதிய ரயில் நிலையத்திலிருந்து மாவட்ட ஆட்சியர் ஆனந்த் கொடியசைத்து தொடங்கிவைத்தார்.

நாடு முழுவதும் நாடாளுமன்றத் தேர்தல் ஏழு கட்டங்களாக நடைபெற உள்ளது. இதில் தமிழ்நாட்டில் 39 தொகுதிகளுக்கான நாடாளுமன்றத் தேர்தல், 18 சட்டப்பேரவைத் தொகுதிகளுக்கான இடைத்தேர்தல் ஏப்ரல் 18ஆம் தேதி நடைபெற உள்ளது. தேர்தல் நடத்தை விதிமுறைகள் நாடுமுழுவதும் அமலுக்கு வந்துள்ளன. இந்நிலையில், வாக்காளர்களுக்கு வாக்களிப்பதன் முக்கியத்துவம் குறித்து விழிப்புணர்வு நிகழ்ச்சியை அந்ததந்த மாவட்ட நிர்வாகம் சார்பில் தொடர்ந்து நடத்தப்பட்டுவருகிறது.