இது தொடர்பாக மாவட்ட ஆட்சியர் விஷ்ணு அனைத்து கட்சிகளுடன் ஆலோசனை நடத்தினார். பின்னர் செய்தியாளர்களைச் சந்தித்த அவர், "இந்திய தேர்தல் ஆணையத்தின் பரிந்துரைப்படி, திருநெல்வேலி மாவட்டத்தில் ஆயிரம் வாக்காளர்களுக்கு ஒரு வாக்கு சாவடி அமைக்கப்பட உள்ளது.
அதற்கேற்ப 5 சட்டப் பேரவைத் தொகுதிகளில் ஏற்கனவே உள்ள 1475 வாக்கு சாவடிகளில் கூடுதல் 536 வாக்கு சாவடிகள் என மொத்தமாக 2011 வாக்குச்சாவடிகளாக அதிகரிக்க திட்டமிடப்பட்டுள்ளது. வாக்குச்சாவடிகள் அதிகரிக்கப்படுவதால் வாக்குப்பதிவு இயந்திரங்களும் அதிகரிக்கப்பட்டுள்ளன.
இது தொடர்பாக தேர்தல் ஆணையத்தின் ஒப்புதல் பெற்று நடைமுறைப்படுத்தப்படும். எந்தெந்த வாக்குச்சாவடிகள் பதற்றமானவை, கூடுதல் பாதுகாப்பு அளிக்கப்பட வேண்டிவை என்பது குறித்து காவல் துறையுடன் ஆலோசனை நடத்தி முடிவெடுக்கப்படும்" என்றார்.
இதையும் படிங்க: வாக்குச் சாவடிகளை ஆய்வு செய்த நெல்லை ஆட்சியர்!
