தேனி அருகே உள்ள கோடாங்கிப்பட்டியைச் சேர்ந்த 6 நண்பர்கள் போடிக்கு சென்று ஆட்டோவில் ஊர்திரும்பிக்கொண்டிருந்தனர்.
போடி - தேனி சாலையில் உள்ள காளியம்மன் கோவில் அருகே வந்துகொண்டிருந்தபோது தேனியிலிருந்து எதிரே வந்த அரசுப்பேருந்து மீது ஆட்டோ மோதி விபத்துக்குள்ளானது.
இதில் ஆட்டோவில் வந்த ராஜபிரபு, சூர்யா ஆகிய இருவரும் சம்பவ இடத்திலேயே உடல் நசுங்கி உயிரிழந்தனர்; மற்ற 4 பேரும் படுகாயமடைந்தனர்.
தகவலறிந்து சம்பவ இடத்திற்கு வந்த காவல்துறையினர் விபத்தில் சிக்கியவர்களை மீட்டு போடி அரசு மருத்துவமனைக்கு அனுப்பி வைத்தனர். அங்கு அவர்களுக்கு முதல்கட்ட சிகிச்சை அளிக்கப்பட்டு பின், மேல் சிகிச்சைக்காக தேனி அரசு மருத்துவக்கல்லூரி மருத்துவமனைக்கு அனுப்பி வைக்கப்பட்டுள்ளனர்.
சம்பவம் குறித்து வழக்குப் பதிவு செய்த காவல்துறையினர் விபத்துக்கான காரணம் குறித்து விசாரனை மேற்கொண்டு வருகின்றனர்.
