மத்திய அரசு கொண்டு வந்துள்ள குடியுரிமை திருத்தச் சட்டத்திற்கு எதிராக வண்ணாரப்பேட்டையில் போராடிய இஸ்லாமியர்கள் மீது காவல் துறையினர் தடியடி நடத்தினர். இச்சம்பவத்தைத் தொடர்ந்து தமிழ்நாடு முழுவதும் இஸ்லாமியர்கள் பல்வேறு இடங்களில் தொடர் போராட்டங்களை நடத்தி வருகின்றனர்.
அதன் ஒருபகுதியாக அறந்தாங்கியிலுள்ள இஸ்லாமிய மக்கள் தொடர் போராட்டம் நடத்தி வருகின்றனர். ஆவுடயார் கோயில், மணமேல்குடி உள்ளிட்ட பகுதியில் குடியரிமை திருத்தச் சட்டத்தை திரும்பப் பெற வலியுறுத்தி மக்கள் தொடர் போராட்டத்தில் ஈடுபட்டுவருகின்றனர்.
அதுபோல, அறந்தாங்கி அருகேயுள்ள அம்மாபட்டினம் பேருந்து நிறுத்தத்திற்கு பின்புறம் அம்மாபட்டினம் ஜமாத்தார்கள் சார்பாக போராட்டம் நடைபெற்று வருகிறது. இதில், ஆண்கள், பெண்கள், குழந்தைகள் என ஏராளமானோர் கலந்துகொண்டுள்ளனர்.
இதையும் படிங்க: ஒரே நேரத்தில் 1,100 மாணவிகள் கடிதம் எழுதி சாதனை!
