நாமக்கல் மாவட்டத்தில் போட்டியிடும் நாம் தமிழர் கட்சியின் வேட்பாளர்களுக்கு ஆதரவு தெரிவித்து அக்கட்சியின் தலைமை ஒருங்கிணைப்பாளர் சீமான் பரப்புரை மேற்கொண்டார். அப்போது பேசிய அவர், "ஒவ்வொரு முறையும் மாறி மாறி திமுக, அதிமுகவிற்கு வாக்களிக்காமல் நாம் தமிழர் கட்சிக்கு ஆதரவு தெரிவிக்க வேண்டும்.
அரசியல்வாதிகள் அடுத்த தேர்தல் குறித்து மட்டுமே சிந்திப்பார்கள். தலைவர்கள்தான் அடுத்த தலைமுறை குறித்து சிந்திப்பார்கள். தேர்தல் வரும்போது மட்டுமே மக்களைப் பற்றி திமுகவும் அதிமுகவும் சிந்திக்கிறது. மற்ற அரசியல் கட்சியினர் வைத்துள்ள கூட்டணிகள், கொள்கை இல்லாத கூட்டணி. கொள்ளை அடிக்கும் கூட்டணி" என்றார்.
தொடர்ந்து பேசிய அவர், "மனிதக் கழிவுகளை மனிதனே அகற்றுவது பற்றி ஸ்டாலின் தற்போது பேசுகிறார். ஆனால் அவர் மேயராக இருந்தபோது யார் மனிதக் கழிவுகளை அகற்றினார்கள்? அப்போது ஏன் பேசவில்லை?" எனக் கேள்வி எழுப்பினார்.
