மயிலாடுதுறை மாவட்டம் மணல்மேடு தோப்புத்தெருவைச் சேர்ந்தவர் சண்முகம். இவரது வீட்டில் நேற்று முன்தினம் (ஜுன்.15) மின்கசிவு காரணமாக தீ விபத்து ஏற்பட்டது. காற்றின் வேகத்தில் தீ அருகில் உள்ள பட்டு, செல்வம் ஆகியோரது வீடுகளிலும் பரவியது.
பின்னர் 3 வீடுகளும் முற்றிலும் எரிந்து தீக்கீரையானது. இந்த விபத்தில் ரூ.5 லட்சம் மதிப்பிலான நகை, பணம், வீட்டு உபயோகப் பொருட்கள் உள்ளிட்டவை முற்றிலும் எரிந்து நாசமானது.
மேலும் வீட்டின் அருகே கட்டப்பட்டிருந்த இரண்டு ஆடுகளும் உயிரிழந்தன. தீயை அணைக்க முற்பட்டபோது பட்டு என்பவருக்கு லேசான தீக்காயம் ஏற்பட்டு, அவர் மயிலாடுதுறை அரசு மருத்துவமனையில் சிகிச்சைக்காக சேர்க்கப்பட்டுள்ளார்.
தகவல் அறிந்து வந்த மணல்மேடு தீயணைப்பு துறையினர் தீ பரவாமல் கட்டுக்குள் கொண்டு வந்தனர். இந்த சம்பவத்தை அறிந்த மயிலாடுதுறை ஒன்றியக்குழு தலைவர் காமாட்சி மூர்த்தி பாதிக்கப்பட்ட குடும்பங்களுக்கு நிவாரணம் வழங்கினார்.
அப்போது அவருடன் முன்னாள் ஒன்றிய பெருந்தலைவர் மூர்த்தி, மாவட்ட கவுன்சிலர் குமாரசாமி, பேரூராட்சி நிர்வாகிகள் ஆகியோர் உடனிருந்தனர்.
இதையும் படிங்க: சிறையிலிருந்த பிரபல ரவுடியிடம் செல்போன் பறிமுதல்!
