நாகை மாவட்டம், சீர்காழி அருகே கொண்டல் கிராமத்தில் பழமைவாய்ந்த கீழ்பழனி என்று அழைக்கப்படும் சுப்ரமணியர் ஆலயம் அமைந்துள்ளது. நேற்று இரவு கோயில் குருக்கள் நடராஜ் (50) கோயிலை பூட்டிச்சென்றுள்ளார். இன்று காலை கோயிலை திறக்க வந்த போது கோயிலின் பூட்டு திறந்துள்ளதைப் பார்த்து அதிர்ச்சியடைந்தார்.
அதன் பின் நடராஜ் உள்ளே சென்று பார்த்த போது அங்கிருந்த 200 ஆண்டுகள் பழமைவாய்ந்த முருகன், வள்ளி, தெய்வானை ஆகிய மூன்று ஐம்பொன் சிலைகளும் திருடு போய்யிருப்பது தெரியவந்தது. இதையடுத்து, சீர்காழி காவல் நிலையத்துக்கு கொடுத்த தகவலின் பெயரில் அங்கு காவல்துறையினர் விசாரணை மேற்கொண்டனர்.
மூன்று ஐம்பொன் சிலைகள் திருட்டு
