போக்குவரத்துக் கழகத்திற்கு இழப்பு ஆர்டிஓ மீது வழக்கு!

மதுரை: போக்குவரத்துக் கழகத்திற்கு இரண்டு கோடி ரூபாய் இழப்பு ஏற்படுத்தியதாக வட்டாரப் போக்குவரத்து அலுவலர் உட்பட ஏழு பேர் மீது காவல்துறையினர் வழக்கு பதிவு செய்துள்ளனர்.

மதுரை மத்திய வட்டார போக்குவரத்து அலுவலர் கல்யாணகுமார், திருமங்கலம் மோட்டார் வாகன ஆய்வாளர் பூர்ணலதா, காரைக்குடி மோட்டார் வாகன ஆய்வாளர் முருகன், நாராயணன், மனோஜ், சம்பத்குமார், செந்தில்குமார் உள்ளிட்ட ஏழு பேர் மீது ரூபாய் இரண்டு கோடியே 9 லட்சத்து 4 ஆயிரத்து 586 ரூபாய் போக்குவரத்து கழகத்திற்கு இழப்பு ஏற்படுத்தியதாக வழக்கு பதிவு செய்யப்பட்டுள்ளது.

மேற்கண்ட ஏழு பேர் மீதும் ஊழல் தடுப்புப் பிரிவு காவலர்கள், ஐபிசியில் ஏழுப்பிரிவும், ஊழல் தடுப்புச் சட்டம் 1988இல் இரண்டு பிரிவுகள் என மொத்தம் ஒன்பது பிரிவுகளின் கீழ் வழக்குப் பதிவு செய்துள்ளனர்.