விலை உயர்ந்த நாயை திருடியவர் கைது

மதுரையில் விலை உயர்ந்த நாயை திருடியவரை காவல்துறையினர் கைது செய்து சிறையில் அடைத்துள்ளனர்.

மதுரை: மதுரை மேலமடையைச் சேர்ந்தவர் சரவணக்குமார். இவர், தனது வீட்டில் பறவைகள் உள்ளிட்ட செல்லப் பிராணிகள் வளர்த்து வருகிறார். கடந்த ஜூலை 10ஆம் தேதி அவருடைய வீட்டிலிருந்த விலை உயர்ந்த நாய் திடீரென காணாமல் போனது. இது தொடர்பாக அண்ணாநகர் காவல் நிலையத்தில் சரவணக்குமார் புகார் அளித்துள்ளார்.

இதனையடுத்து அப்பகுதியில் பொருத்தப்பட்டுள்ள சிசிடிவி கேமரா காட்சிகளை காவலர்கள் ஆய்வு செய்தனர். அப்போது, பட்டப்பகலில் கனரக வாகனத்தில் வந்த வாலிபர் நாய்க்கு உணவு அளித்து திருடிச் செல்வது தெரியவந்தது.

அதனைத் தொடர்ந்து வாகன எண் மூலம் ஆழ்வார்புரம் பகுதியில் பதுங்கியிருந்த அர்ஜுன் என்பவரை கைது செய்த காவல்துறையினர் நாயை பறிமுதல் மீட்டனர். பின்னர் அவரை கைது செய்து சிறையில் அடைத்தனர்.

இதையும் படிங்க: கீழடி அகழ்வைப்பகம்: அடிக்கல் நாட்டப்பட்டு ஓராண்டாகியும் மந்த நிலையில் நகரும் பணிகள்!