மதுரை: ஓகா - மதுரை - ஓகா இடையேயான ஓகா சிறப்பு ரயில் சேவையை டிசம்பர் வரை நீட்டித்து மேற்கு ரயில்வே அறிவிப்பு வெளியிட்டுள்ளது. அதன்படி, ஓகா - மதுரை சிறப்பு ரயில் (09520) ஓகாவிலிருந்து அக்டோபர் மாதத்தில் 2, 9, 16, 23, 30 ஆகிய தேதிகள், நவம்பர் மாதத்தில் 6, 13, 20, 27 ஆகிய தேதிகள் மற்றும் டிசம்பர் மாதத்தில் 4, 11, 18, 25 ஆகிய தேதிகளில் திங்கட்கிழமைகளில் இரவு 10.00 மணிக்கு புறப்பட்டு வியாழக்கிழமை காலை 11.45 மணிக்கு மதுரை வந்து சேரும்.
மறுமார்க்கத்தில் மதுரை - ஓகா சிறப்பு ரயில் (09519) மதுரையிலிருந்து அக்டோபர் மாதத்தில் 6, 13, 20, 27 ஆகிய தேதிகள், நவம்பர் மாதத்தில் 3, 10, 17, 24 ஆகிய தேதிகள் மற்றும் டிசம்பர் மாதத்தில் 1, 8, 15, 22, 29 ஆகிய தேதிகளில் வெள்ளிக்கிழமைகளில் அதிகாலை 01.15 மணிக்கு புறப்பட்டு ஞாயிற்றுக்கிழமை காலை 10.25 மணிக்கு ஓகா சென்று சேரும்.
இந்த ரயில்களில் ஒரு குளிர்சாதன இரண்டடுக்கு படுக்கை வசதிப்பெட்டி, 3 குளிர்சாதன மூன்று அடுக்கு படுக்கை வசதி பெட்டிகள், 12 இரண்டாம் வகுப்பு தூங்கும் வசதி பெட்டிகள், 4 இரண்டாம் வகுப்பு பொதுப்பெட்டிகள் மற்றும் 2 மாற்றுத் திறனாளிகளுக்கான பெட்டிகள் என அனைத்தும் இணைக்கப்படும். மேலும், இந்த ரயில்களுக்கான பயணச்சீட்டு முன்பதிவு அக்டோபர் 5ஆம் தேதி காலை 8 மணி முதல் துவங்குகிறது என மேற்கு ரயில்வே அறிவித்துள்ளது.
