கன்னியாகுமரி மாவட்டத்தில் கரோனா தொற்றுப் பரவல் தடுப்பு நடவடிக்கை தீவிரமடைந்துள்ள நிலையில் , ஆசாரிபள்ளம் அரசு மருத்துவக் கல்லூரி மருத்துவமனையில் உள்ள தொற்றுநோய் சிகிச்சைக்கான கரோனா வார்டில் 18 பேர் சிகிச்சை பெற்று வருகின்றனர். இதில் சமய மாநாட்டில் பங்கேற்று திரும்பிய குமரி மாவட்டத்தை சேர்ந்த 4 பேர் உள்பட ஆறு பேருக்கு கரோனா பாதிப்பு இருப்பது உறுதிசெய்யப்பட்டுள்ளது.
இந்நிலையில் உடல் நலக்குறைவால் பாதிக்கப்பட்ட குமரி மாவட்டத்தை சேர்ந்த மேலும் இரண்டு இளைஞர்கள் இன்று கரோனா தொற்று வார்டில் சிகிச்சைக்காக அனுமதிக்கப்பட்டனர்.
அவர்களின் ரத்த மாதிரி, சளி ஆகியவற்றை கரோனா பறிசோதனைக்காக திருநெல்வேலி மருத்துவக் கல்லூரிக்கு அனுப்பி வைக்கப்பட்டுள்ளன. அதன் முடிவுகள் வந்தபிறகுதான் இவர்களுக்கு அடுத்த கட்ட சிகிச்சை மேற்கொள்ளப்படும்.
இதையும் படிங்க: அரிசி அரவை ஆலைகள் செயல்பட நடவடிக்கை எடுக்கக் கோரி விவசாயிகள் கோரிக்கை!
