தொழிலதிபர் மாயம் - காவல் துறையினர் விசாரணை

கன்னியாகுமரி: மயிலாடி அருகே தொழிலதிபர் மாயமானதையடுத்து அஞ்சுகிராமம் காவல் துறையினர் வழக்குப்பதிவு செய்து தேடி வருகின்றனர்.

குமரி மாவட்டம் மயிலாடி அடுத்த குலசேகரன் புதூர் பகுதியை சேர்ந்தவர் வேழவேந்தன் (54). இவர் மயிலாடி பகுதியில் பாரத் பெட்ரோல் பங்க் நடத்திவருகிறார். இவர் அடிக்கடி தொழில் விஷயமாக வெளியூர் சென்று வருவது வழக்கம். ஒரு வாரம் இரண்டு வாரங்கள் வெளியூரில் தங்கி இருந்துவிட்டு பின்னர் மீண்டும் வருவார்.

இந்நிலையில் அவர் கடன் தொல்லையால் அவதிப்பட்டு வந்ததாக கூறப்படுகிறது. இதனைத் தொடர்ந்து பெட்ரோல் பங்க் நடத்த முடியாமல் திணறி வந்துள்ளார். இந்நிலையில் கடந்த 7ஆம் தேதி திருநெல்வேலியில் உள்ள பாரத் பெட்ரோலியம் பொது மேலாளரை சந்தித்து பேசி வருவதாக வீட்டில் கூறிவிட்டு சென்றுள்ளார்.

ஆனால் இதுவரை வீடு திரும்பவில்லை. இதனால் சந்தேகம் அடைந்த அவரது மனைவி மகேஸ்வரி அஞ்சுகிராமம் காவல் நிலையத்தில் புகார் அளித்துள்ளார். இந்த புகாரின் அடிப்படையில் அஞ்சுகிராமம் காவல் துறையினர் வழக்குப்பதிவு செய்து மாயமான வேழவேந்தனை தேடி வருகின்றனர்.

இதையும் படிங்க: