ஈரோடு: தமிழ்நாடு - கர்நாடக எல்லை பண்ணாரி சோதனைச்சவாடியில் போதைப்பாக்குகள் கடத்தப்படுவதாக கிடைத்த தகவலையடுத்து சத்தியமங்கலம் காவல்துறையினர் கர்நாடகத்தில் இருந்து வரும் வாகனங்களை சோதனை செய்தனர்.
அப்போது மைசூரில் இருந்து வந்த கர்நாடக பிக் அப் வேன்களை சோதனை செய்தனர். அதில் தமிழ்நாடு அரசால் தடை செய்யப்பட்ட ஹான்ஸ், குட்கா, வி.ஒன். பாக்குகள் மற்றும் கணேசா பாக்குகள் என 75 மூட்டைகளில் ரூ.18 லட்சம் மதிப்பிலான சுமார் 2.2 கிலோ பாக்குகள் இருப்பதை கண்டறிந்தனர்.
இதையடுத்து வேனில் வந்த மைசூரைச் சேர்ந்த ஓட்டுநர் பிரசன்னா (30), சுதி என்கிற சுதாககர் (30) ஆகியோரை பிடித்து விசாரித்தனர். பின்னர் அவர்களிடம் இருந்த போதை பொருள்களை பறிமுதல் செய்த காவல் துறையினர், இருவரையும் கைது செய்தனர்.
