ஈரோடு மாவட்டம், சத்தியமங்கலம் அருகேயுள்ள செண்பகப்புதூர் வனத்தையொட்டியுள்ள வாய்க்கால் புதூரில் மூர்த்தி என்பவர் தோட்டத்தில் செம்மரம் வெட்டிக் கடத்தப்படுவதாக வனத்துறையினருக்கு ரகசிய தகவல் கிடைத்தது.
அதனடிப்படையில், வனத்துறையினர் அங்கு சென்று ஆய்வு செய்தனர். அப்போது, அங்கு வளர்க்கப்பட்டு வந்த செம்மரம், வெட்டிக் கடத்தப்படுவதற்கு தயாராக இருந்தது. இதைத் தொடர்ந்து காவல் துறையினர் வனத்துறையினருடன் இணைந்து விசாரணை மேற்கொண்டனர். அதில், சுமார் 15 ஆண்டுகளாக செம்மரம் வளர்க்கப்பட்டு, இரண்டு டன் மரங்களுக்கும் மேல் கடத்தியது தெரிய வந்தது.
பறிமுதல் செய்யப்பட்ட செம்மரக் கட்டைகள்
மேலும் தற்போது வெட்டிக் கடத்தலுக்கு தயாராக இருந்த மரம் பறிமுதல் செய்யப்பட்டு மேலாளர் மணிபாரதியிடம் காவல் துறையினர், வனத்துறையினர் தீவிர விசாரணை மேற்கொண்டு வருகின்றனர்.
இதையும் படிங்க:
