கனடா நாட்டைச் சேர்ந்தவர் ஜோஸ்பின். சிறுகதை எழுத்தாளரான இவர் திண்டுக்கல் மாவட்டம் கொடைக்கானலை அடுத்த பாரதி அண்ணா நகரில் உள்ள தனியார் பள்ளியில் ஆசிரியையாக பணிபுரிகிறார்.
இந்நிலையில் இவரும் மகாராஷ்டிரா மாநிலம் நாக்பூரைச் சேர்ந்த வைபவ் என்பவரும் ஃபேஸ்புக் மூலமாக பழகி, காதலித்து வந்தனர். இதனிடையே இருவரும் திருமணம் செய்துகொள்ள முடிவெடுத்து தங்களுடைய பெற்றோர்களின் சம்மதத்தையும் பெற்றனர்.
இதனையடுத்து இவர்களின் திருமணம் இன்று கொடைக்கானலை அடுத்த பாரதி அண்ணாநகரில் உள்ள மாரியம்மன் கோயிலில் இந்து முறைப்படி நடைபெற்றது. இதில் இருவீட்டாரும் கிராம பொதுமக்களும் திரளாக கலந்துகொண்டனர்.
இத்திருமணத்தில் கலந்துகொண்ட அனைவருக்கும் பொதுமக்கள் சார்பாக சைவ விருந்து வைக்கப்பட்டது. கனடா நாட்டுப் பெண்ணுக்கும் மகாராஷ்டிரா மாநிலத்தைச் சேர்ந்தவருக்கும் இந்து முறைப்படி தமிழ்நாட்டில் திருமணம் நடந்தது நெகிழ்ச்சியை ஏற்படுத்தியுள்ளது.
இதையும் படிங்க:
மாட்டுவண்டியில் வந்து பொங்கல் திருவிழா கொண்டாடிய கிரண் பேடி!
