பொள்ளாச்சி-பல்லடம் ரோடு கேரள சமாஜம் பகுதியை சேர்ந்த கணேஷ்கர் (17),ரோஹித் (17), கோட்டாம்பட்டியைச் சேர்ந்த கவின் குமார் (16) ஆகியோர் நேற்று மாலை ஒரே காரில் பல்லடம் ரோட்டில் சென்றுகொண்டிருந்தனர். கார் ராசக்காபாளையம் அருகே சென்றபோது, ரோட்டில் நின்றுகொண்டிருந்த கிரேன் மீது எதிர்பாராதவிதமாக மோதியது. இந்த விபத்தில் காரில் இருந்த 3 பேரும் படுகாயம் அடைந்தனர்.
அருகில் உள்ளவர்கள் அவர்களை உடனடியாக மீட்டு, பொள்ளாச்சி அரசு மருத்துவமனைக்கு சிகிச்சைக்காக அனுப்பிவைத்தனர். ஆனால், செல்லும் வழியிலேயே கணேஷ்கர் பரிதாபமாக உயிரிழந்தார். கவின்குமார், ரோஹித் ஆகியோர் முதலுதவிக்கு பின், கோவையில் உள்ள தனியார் மருத்துவமனையில் மேல் சிகிச்சைக்காக அனுமதிக்கப்பட்டுள்ளனர். இதுகுறித்து மகாலிங்கபுரம் போலீசார் வழக்குப்பதிவு செய்து, காரை ஓட்டிவந்தது யார்? விபத்து எவ்வாறு நடந்தது என விசாரித்து வருகின்றனர்.
