இதுகுறித்து அவர் வெளியிட்டிருக்கும் அறிவிப்பில், "தமிழ்நாட்டில் ஜூலை மாதம் வரக்கூடிய அனைத்து ஞாயிற்றுக் கிழமைகளிலும் முழு ஊரடங்கு கடைப்பிடிக்கப்படும் என முதலமைச்சர் எடப்பாடி பழனிசாமி அறிவித்துள்ளார்.
இந்த நிலையில் கரோனா வைரஸ் பரவல் அதிகரிப்பின் காரணமாக கூடுதலாக சனிக்கிழமை(ஜூலை 25) மாலை 5 மணியிலிருந்து திங்கள்(ஜூலை 27) காலை 6 மணிவரை எந்தத் தளர்வுகளுமின்றி கோவையில் முழு ஊரடங்கு கடைப்பிடிக்கப்படும்" எனக் குறிப்பிட்டுள்ளார்.
இதற்கிடையே, கோவை மாவட்டத்தில் இதுவரை 2 ஆயிரத்து 966 பேருக்கு கரோனா பாதிப்பு உறுதி செய்யப்பட்டுள்ளது. அதில் 1,659 பேர் குணமடைந்து வீடு திரும்பியுள்ளனர். மேலும் 32 பேர் கரோனாவால் உயிரிழந்துள்ளனர்.
இதையும் படிங்க: கொடைக்கானலில் முழு ஊரடங்கு!
